រាជធានីភ្នំពេញ ៖ ស្ថានឯកអគ្គរាជទូតកម្ពុជាប្រចាំសាធារណរដ្ឋសង្គមនិយមវៀតណាម បានចេញសេចក្តីប្រកាសស្តីពីការគ្រប់គ្រងចេញចូលរបស់ជនបរទេស នាថ្ងៃទី១៨ ខែមីនានេះ ។ សេចក្តីប្រកាសបានបន្តថា រដ្ឋាភិបាលវៀតណាមចេញសេចក្តីសម្រេចស្តីពីការគ្រប់គ្រងការចេញ-ចូលសម្រាប់ជនបរទេសមាន ៤…
រាជធានីភ្នំពេញ ៖ ស្ថានឯកអគ្គរាជទូតកម្ពុជាប្រចាំសាធារណរដ្ឋសង្គមនិយមវៀតណាម បានចេញសេចក្តីប្រកាសស្តីពីការគ្រប់គ្រងចេញចូលរបស់ជនបរទេស នាថ្ងៃទី១៨ ខែមីនានេះ ។
សេចក្តីប្រកាសបានបន្តថា រដ្ឋាភិបាលវៀតណាមចេញសេចក្តីសម្រេចស្តីពីការគ្រប់គ្រងការចេញ-ចូលសម្រាប់ជនបរទេសមាន ៤ ចំនុចដូចខាងក្រោម ៖
១- ផ្អាកផ្តល់ទិន្នាការជាបណ្តោះអាសន្នដល់ជនបរទេសទាំងអស់ចូលវៀតណាម រយៈពេល៣០ ថ្ងៃ ចាប់ពីម៉ោង០០និង០០នាទីថ្ងៃទី១៨ ខែមីនានេះ
២- ចាប់ពីម៉ោង០០និង០០នាទីថ្ងៃទី១៨ ខែមីនានេះ អ្នកដែលទទួលបានការលើកលែងទិន្នាការ(ជនជាតិវៀតណាម និងគ្រួសារ អ្នកជំនាញការ និងជំនួញ) ត្រូវបង្ហាញវិញ្ញាបនប័ត្របញ្ជាក់សុខភាពថា គ្មានជំងឺកូវីដ១៩ ចេញដោយអាជ្ញាធរមូលដ្ឋាន
៣- អ្នកដំណើរចូលវៀតណាមទាំងអស់ណនឹងទទួលការពិនិត្យសុខភាព ឬវិធានការណ៍បង្ការផ្សេងទៀត ឬដាក់នៅដាច់ដោយឡែករបស់អាជ្ញាធរវៀតណាម
៤- ការដាក់នៅដាច់ដោយឡែកទ្រង់ទ្រាយធំ នៅទីតាំងដែលបានរៀបចំទុក និងត្រូវអនុវត្តចំពោះអ្នកដំណើរមកពីសហរដ្ឋអាមេរិក អឺរ៉ុប និងអាស៊ាន ៕
ចែករំលែកព័តមាននេះ