រាជធានីភ្នំពេញ ៖ សម្តេចក្រឡាហោម ស ខេង ឧបកនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអះអាងថា មានសមត្ថកិច្ចខ្លះបានបោះបង់ចំពោះការរាយការណ៍ពីប្រជាពលរដ្ឋ ពាក់ព័ន្ធករណីគ្រឿងញៀន ។ ការលើករបស់សម្តេចស ខេង បន្ទាប់ពីមានសាធារណៈជនមួយចំនួនលើកឡើងថា សមត្ថកិច្ចនៅតាមភូមិ ឃុំ សង្កាត់មួយចំនួនមិនបានសូវធ្វើការពាក់ព័ន្ធនឹងគ្រឿងញៀន ដោយអះអាថា ចាប់ខ្លួនហើយ ថ្នាក់លើកហើយគ្មានចំណាត់ការ ។
បន្តថ្លែងក្នុងពិធីបិទសន្និបាតបូកសរុបលទ្ធផលការងារត្រួតពិនិត្យគ្រឿងញៀនឆ្នាំ២០១៩ និងលើកទិសដៅការងារឆ្នាំ២០២០ របស់ អ.ជ.ប.គ.ញ. និងកិច្ចប្រជុំបូកសរុបលទ្ធផល នៃការអនុវត្តផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៤ ឆ្នាំ២០១៩នា រល្ងាថ្ងៃទី១៧ខែមីនា ឆ្នាំ២០២០ សម្តេចក៏បានលើកឡើងថា៖ «ខ្ញុំដឹងមានសមត្ថកិច្ចខ្លះ បានបោះបង់ការការរាយការណ៍ពីប្រជាពលរដ្ឋពាក់ព័ន្ធនឹងគ្រឿងញៀន ។ បញ្ហានេះ មានរឿងពាក់ព័ន្ធច្រើន តែខ្ញុំមិនទាន់ដឹងរឿងនេះទេ ប៉ុន្តែត្រូវធ្វើការសហការ
គ្នា»។
សម្តេចក៏បានស្នើដល់គ្រប់អង្គភាពទាំងអស់ ត្រូវរួមគ្នាទប់ស្កាត់ ការបង្ក្រាបបទ ល្មើសគ្រឿងញៀនទាំងអស់ ដើម្បីធ្វើការយ៉ាងណាកុំឲ្យមានការចរាចរណ៍ឆ្លងកាត់ ឬចែកចាយនៅក្នុងប្រទេសកម្ពុជា។
ចែករំលែកព័តមាននេះ