ខេត្តក្រចេះ ៖ បុរសម្នាក់ដែលអ្នកភូមិស្គាល់ថា ជាមនុស្សមានទេពកោសល្យខាងច្នៃគ្រឿងផ្ទុះសម្រាប់យកទៅបំផ្ទុះយកត្រីក្នុងក្នុងព្រែក ស្រាប់តែពេលនេះបានភ្លាត់ស្នៀតផ្ទុះ បណ្តាលឱ្យដាច់.កដៃខាងស្តាំ ពេលគាត់កែច្នៃផាវដាក់កំប៉ុងត្រីខ ដើម្បីយកទៅបំផ្ទុះយកត្រីម្តងទៀត ។ បុរសរងគ្រោះឈ្មោះរ៉ន ហៀប អាយុ៣៦ឆ្នាំ រស់នៅភូមិសំរ៉ង ឃុំឃ្សឹម ស្រុកស្នួល មូលហេតុព្រោះតែខុសបច្ចេកទេស។
អ្នកភូមិបានប្រាប់ឲ្យដឹងថា កន្លងមក បុរសខាងលើ តែងតែច្នៃគ្រឿងផ្ទុះទៅបំផ្ទុះយកបានត្រីពីក្នុងបឹងនិងព្រែកបានជាបន្តបន្ទាប់ ដោយប្រើរូបភាពផ្សេងៗ ។ តែនៅថ្ងៃកើតហេតុជាលើក ចុងក្រោយថ្ងៃទី១៦ ខែមីនា វេលាម៉ោង១ គាត់បានយកផាវមកច្នៃជាគ្រឿងបំផ្ទុះម្តងទៀត។
ដោយសារគាត់បានយកផាវធំៗជាច្រើនគ្រាប់ មកដាក់ក្នុងកំប៉ុងត្រីខនិងបានយកទៅបំផ្ទុះនៅទឹកព្រែកដើម្បីយកត្រី។ នៅពេលទៅដល់ព្រែកគាត់ ក៏បានដុតរំសេវផាវដែលដាក់ក្នុង កំប៉ុងត្រីខ ដើម្បីគប់ចូលទឹកព្រែកតែគប់មិនទាន់ ក៏ត្រូវផ្ទុះនៅលើដៃដែកំពុងតែកាន់បណ្តាល ផ្ទុះនៅនិងលើដៃរបួសដាច់.កដៃមួយកំណាត់ត្រឹមខាងស្តាំ។
នគរបាលមូលដ្ឋានឃុំឃ្សឹមបានប្រាប់ឲ្យដឹងថា នៅថ្ងៃកើតហេតុបុរសរងគ្រោះបានច្នៃ ផាវទៅបំផ្ទុះយកត្រីនៅព្រែកតែម្នាក់ឯង ហើយក៏ជួបហេតុការណ៍ផ្ទុះ និងត្រូវរបួសតែម្នាក់ឯង ដោយដាច់.ក ដៃ តែមិនរងគ្រោះថ្នាក់ដល់អាយុជីវិតនោះទេ ។ ដូច្នេះ សូមបងប្អូនមានការប្រុងប្រយ័ត្នឱ្យបានខ្ពស់ ។
ចែករំលែកព័តមាននេះ