១-ជីតាអណ្តើក
«ថុមមី» ជាអណ្តើកវ័យចំណាស់ ទើបប្រារព្ធខួបអាយុ១១៦ឆ្នាំ កាលពីពេល ថ្មីៗកន្លងមក ។ អ្នកស្រីសៀងឡា ផ្លរីស អាយុ៥៧ឆ្នាំ ជាចៅស្រីរបស់ម្ចាស់អណ្តើកដំបូងបញ្ជាក់ថា អណ្តើកនេះមានសុខភាពល្អ និងមិនធ្លាប់ព្យាបាលទេពីមុនមក ។
២-កូនក្រសាររៀនដើរ
កូនក្រសារប្រផេះ២ក្បាល ដើរតាមបុគ្គលិកសួនសត្វ «សានឌីយា៉ហ្គោ សាហ្វារី ផាក» រដ្ឋកាលីហ្វ៊័រនីញា៉ សហរដ្ឋអាមេរិក ។
៣-ម៉ូតូកង់បីប្រើចរន្តអគ្គិសនីនៅហ្វ៊ីលីពីន
លោកមេននី ថាំងកូ ម្ចាស់ឧទ្យានសត្វមា៉ឡាបុន ទីក្រុងមា៉និល ប្រទេសហ្វ៊ីលីពីន បើកម៉ូតូកង់៣ ប្រើចរន្តអគ្គិសនី រួមជាមួយពស់ថ្លាន់ភឿក និងស្វា ។ រដ្ឋាភិបាលសហការជាមួយធនាគារ ADB ឃោសនាឱ្យប្រើម៉ូតូកង់៣ ប្រើចរន្តអគ្គិសនីជំនួសម៉ូតូកង់៣ប្រើសាំងដើម្បីកាត់បន្ថយឧស្ម័នពុលក្នុងស្រទាប់បរិយាកាស ។
៤-ភ្នំជើងឯកបាល់ទាត់ពិភពលោក២០១៤
រូបថតពីដែនអាកាស បង្ហាញកំពូលភ្នំមួយតែងលម្អជារូបកីឡាករកំពុងទាត់បាល់នៅភាគខាងត្បូងអាល្លឺម៉ង់ ដើម្បីរំឭកដល់ក្រុមជម្រើសជាតិក្លាយជាជើងឯក World Cup 2014 នៅប្រេស៊ីល ។
៥-សិល្បៈលើវាលខ្សាច់
អ្នកទេសចរទស្សនារូបសំណាកនៅក្នុងទិវាសិល្បៈ និងតន្ត្រី ២០១៤ នៅរដ្ឋណេវា៉ដា សហរដ្ឋអាមេរិក ។ ពិធីនោះមានទស្សនិកជនជាច្រើនចូលរួមទស្សនាសិល្បៈ ។
៦-សិល្បៈនៅក្រុងណង់ប្រទេសបារាំង
បុរសម្នាក់ដើរកាត់ខ្សែម៉ែត្រយក្សជាស្នាដៃសិល្បៈរបស់លោកលីលៀន បួហ្គីត វិចិត្រករជនជាតិបារាំងដែលតាំងបង្ហាញក្នុងពិពរ័ណ៍សិល្បៈ «ផ្លូវឆ្ពោះទៅក្រុងណង់» ភាគខាងលិចប្រទេសបារាំង ។
៧-ពិព័រណ៍កសិកម្មអាហ្សង់ទីន
ក្មេងប្រុសម្នាក់ស្ថិតក្នុងឈុតអ្នកជិះសេះចូលរួមពិពរ័ណ៍កសិកម្មប្រចាំឆ្នាំលើកទី១២៨នៅក្រុងប៊ុយណូស៊ែរ ។
៨-វាស់ជាតិពុលនៅក្រុងបា៉រីស
បាល់ឡុងហោះវាស់កម្រិតជាតិពុលនៅស្រទាប់បរិយាកាសក្បែរកំពូលអគារ «ទួអេហ្វហ្វែ៊ល» ក្រុងបា៉រីស ប្រទេសបារាំង ៕
ចែករំលែកព័តមាននេះ