ការសាកល្បងប្រើវ៉ាក់សាំងលើកដំបូងប្រឆាំងនឹងកូវីដ១៩ នឹងត្រូវធ្វើនៅអាមេរិកនៅថ្ងៃអង្គារ៍ម៉ោងនៅប្រទេសកម្ពុជា។ នេះបើយោងតាមសេចក្តីរាយការណ៍ព័ត៌មានរបស់ទីភ្នាក់ងារព័ត៌មាន អេភី របស់អាមេរិក បានរាយការណ៍នៅថ្ងៃនេះ។
នេះជាលោកដំបូងដែលគេចាប់ផ្តើមប្រើសាកល្បងវ៉ាក់សាំងប្រឆាំងកូវីដ១៩។ មន្ត្រីសុខាភិបាលនិយាយថា ប៉ុន្តែគេនឹងត្រូវការពេលវេលាមួយឆ្នាំ ឬក៏មួយឆ្នាំកន្លះដើម្បីអាចវាយតម្លៃថា តើវ៉ាក់សាំងនេះអាចចេញ ប្រើជាទូទៅ ដើម្បីការពារមនុស្សប្រឆាំងនឹងកូវីដ១៩?
នេះគឺជាការរីកចម្រើនថ្មីមួយនៅក្នុងការស្រាវជ្រាវ ដើម្បីរកវ៉ាក់សាំងបង្ការការឆ្លងមេរោគកូវីដ១៩ដែលកំពុងតែធ្វើអោយមានវិបត្តិពិសុខភាព និងសេដ្ឋកិច្ចពិភពលោក។
នៅក្នុងដំណាក់កាលដែលមិនទាន់មានវ៉ាក់សាំង ប្រជាជនកម្ពុជា ត្រូវចេះបង្កើនការការពារខ្លួន តាមរយៈការលាងដៃឱ្យញឹកញាប់ ចៀសវាងទៅកាន់កន្លែងដែលមានឆ្លងមេរោគ ចៀសវាងការធ្វើដំណើរទៅក្រៅប្រទេស បើគ្មានការចាំបាច់ មិននៅជិតអ្នកឆ្លងមេរោគ ឬក៏អ្នកសង្ស័យមានផ្ទុកមេរោគ៕ (កែសម្រួលដោយ៖ បុប្ផា)
ចែករំលែកព័តមាននេះ