ខេត្តមណ្ឌលគិរី ៖ សមត្ថកិច្ចចម្រុះខេត្តមណ្ឌលគិរីបានធ្វើការរុករក និងបង្ក្រាបបានបទល្មើសឈើចំនួន៥៥កំណាត់ ដែលក្រុមជនមិនស្គាល់មុខយកមកលាក់ទុកនៅចំណុចផ្លូវឆ្ពោះទៅក្រុមរកា ស្ថិតនៅភូមិពូហ្យាម ឃុំសែនមនោរម្យ ស្រុកអូររាំង ខេត្តមណ្ឌលគិរី កាលពីព្រឹកថ្ងៃទី១៤…
ខេត្តមណ្ឌលគិរី ៖ សមត្ថកិច្ចចម្រុះខេត្តមណ្ឌលគិរីបានធ្វើការរុករក និងបង្ក្រាបបានបទល្មើសឈើចំនួន៥៥កំណាត់ ដែលក្រុមជនមិនស្គាល់មុខយកមកលាក់ទុកនៅចំណុចផ្លូវឆ្ពោះទៅក្រុមរកា ស្ថិតនៅភូមិពូហ្យាម ឃុំសែនមនោរម្យ ស្រុកអូររាំង ខេត្តមណ្ឌលគិរី កាលពីព្រឹកថ្ងៃទី១៤ ខែមិនា ឆ្នាំ២០២០នេះ។
សមត្ថកិច្ចឱ្យដឹងថា ប្រតិបត្តិការចុះបង្ក្រាបបទល្មើសឈើខាងលើនេះ សមត្ថកិច្ចបានធ្វើចំនួន២ទីតាំង ដោយប្រមូលឈើបាន៥៥កំណាត់ប្រគល់អោយខណ្ឌរដ្ឋបាលព្រៃឈើដើម្បីយកទៅរក្សាទុកនៅសង្កាត់រដ្ឋបាលព្រៃឈើ ស្រុកអូររាំង។
នាយខណ្ឌរដ្ឋបាលព្រៃឈើខេត្តមណ្ឌលគិរីឱ្យដឹងថា ករណីនេះពុំមែនជាបទល្មើសឈើថ្មីនោះទេ កំណាត់ឈើទាំងនេះត្រូវបានជនសង្ស័យយកមកលាក់ទុកក្នុងព្រៃ ពុំមែនឈើកាប់ ឬអារថ្មីៗនោះទេ បច្ចុប្បន្នកំណាត់ឈើទាំងត្រូវបានយកមករក្សាទុកនៅសង្កាត់រដ្ឋបាលព្រៃឈើស្រុកអូររាំង។
សូមបញ្ជាក់ផងដែរថា នៅរសៀលថ្ងៃដដែលនេះ ក្រុមសមត្ថកិច្ចចម្រុះក៏បានចុះស្រាវជ្រាវរុករកបទល្មើសឈើតាមខ្សែក្រវ៉ាត់ព្រំដែនក្នុងស្រុកអូររាំងផងដែរ ជាលទ្ធផលសមត្ថកិច្ចរក ពុំមានបទល្មើសនោះទេ៕ (កែសម្រួលដោយ ៖ ធីតា)
ចែករំលែកព័តមាននេះ