នាយករដ្ឋមន្ត្រីជប៉ុន លោក ស៊ីនហ្សូ អាបេ បាននិយាយថា ព្រឹត្តិការណ៍អូឡាំពិកទីក្រុងតូក្យូឆ្នាំ២០២០ នឹងដំណើរការដូចការគ្រោងទុកនៅខែកក្កដានេះ ទោះបីជាមានការព្រួយបារម្ភអំពីបញ្ហាជំងឺរលាកផ្លូវដង្ហើមដោយសារវីរុស Covid-19 ដែលបណ្តាលឱ្យមានការពន្យារពេលព្រឹត្តិការណ៍កីឡាជាច្រើនក៏ដោយ។
លោកបានបន្ថែមទៀតថា គណៈកម្មាធិការអូឡាំពិកអន្តរជាតិ (IOC) នឹងមានការសម្រេចចិត្តចុងក្រោយថា តើព្រឹតិ្តការណ៍នេះអាចទៅមុខ ឬអត់?
លោកបាននិយាយថា «យើងនឹងយកឈ្នះការរីករាលដាលនៃការឆ្លង និងធ្វើជាម្ចាស់ផ្ទះអូឡាំពិកដោយគ្មានបញ្ហា ដូចអ្វីដែលបានគ្រោងទុក»។
ប្រទេសជប៉ុនមានករណីឆ្លងជាង ១.៤០០ករណី ដែលបណ្តាលឱ្យមានមនុស្សបាត់បង់ជីវិតចំនួន២៨នាក់ដោយសារវីរុសដ៏កាចសាហាវនេះ។
អ្នករៀបចំព្រឹត្តិការណ៍នេះ បាននិយាយកាលពីខែធ្នូថា គេរំពឹងថាព្រឹត្តិការណ៍កីឡាអូឡាំពិកនឹងត្រូវចំណាយប្រហែលជាង១០ពាន់លានផោន ៕ (ដកស្រង់ចេញពី៖ BBC)
ចែករំលែកព័តមាននេះ