ខេត្តក្រចេះ ៖ នគរបាលស្រុកចិត្របុរី នៅថ្ងៃទី១៣ មីនា បានធ្វើការឃាត់ខ្លួនបុរសវ័យ៦៤ឆ្នាំម្នាក់ ទៅតាមពាក្យបណ្តឹងរបស់ម្តាយក្មេងស្រីជាអនីតិជនម្នាក់ ពីបទរំលោភសេពសន្ថវៈ ដោយជននេះ ធ្វើសកម្មភាពចាប់រំលោភក្មេងស្រីនៅព្រៃគុម្ពប្ញស្សីរហូតបានសម្រេចម្តង ។
នគរបាលស្រុកចិត្របុរីនិយាយថា ជនសង្ស័យឈ្មោះថូ ឡូញ អាយុ៦៤ឆ្នាំ ស្នាក់នៅភូមិខ្នាច ឃុំថ្មី ស្រុកចិត្របុរី ធ្វើសកម្មភាពនៅគុម្ពព្រៃប្ញស្សីមួយកន្លែងក្បែរអូរ ខណៈនាងត្រឡប់មកពីងូតទឹកអូរម្នាក់ឯង ។
បើតាមពាក្យបណ្តឹងរបស់ស្ត្រីជាម្តាយក្មេងស្រីរងគ្រោះបានប្តឹងមកនគរបាលថា កាលពីខែធ្នូ ឆ្នាំ២០១៩ កន្លងទៅ នាងជាមួយម្តាយបានទៅស៊ីឈ្នួលច្រកធ្យូងឱ្យជនសង្ស័យ ។ ហើយនាងបានទៅងូតទឹកអូរម្នាក់ឯងនៅក្រោយភូមិក៏ជួបនិងជនសង្ស័យ ។ ជនសង្ស័យបានចាប់អូសដៃនាងគំរាមនាងមិនឲ្យស្រែក និងប្រាប់ឱពុកម្តាយ គឺរូបគេនិងសម្លាប់ចោល ហើយជននេះបានធ្វើសកម្មភាពរហូតបានសម្រេចតែម្តង។ ដោយសារតែខ្លាចការគំរាមពីជនង្ស័យ នាងមិនហ៊ានប្រាប់រឿងនេះទៅឱពុកម្តាយភ្លាមៗនោះទេ។
អធិការនគរបាលស្រុកចិត្របុរី លោកវរសេនីយ៍ឯក ប៊ុត នឿន បានប្រាប់ឲ្យដឹងថា ជនសង្ស័យត្រូវបានចាប់ខ្លួនភ្លាមៗ ក្រោយទទួលបានពាក្យបណ្តឹងពីស្ត្រីត្រូវជាម្តាយក្មេងស្រីរងគ្រោះ ។ ក្រោយការចាប់ខ្លួន និងនាំខ្លួនជននេះឆ្លើយទទួលស្គាល់ថា រូបគេពិតជាបានធ្វើសកម្មភាព ដូចតាមបណ្តឹងរបស់ក្មេងស្រីនោះមែន។
ចែករំលែកព័តមាននេះ