រាជធានីភ្នំពេញ ៖ យោងតាមសេចក្តីប្រកាសរបស់ក្រសួងសុខាភិបាល ចេញនៅព្រលប់ថ្ងៃទី១៣ ខែមីនា ឆ្នាំ២០២០ នេះឲ្យដឹងថា កម្ពុជាបានរកឃើញករណីអ្នកឆ្លង Covid-19 បន្ថែមថ្មីចំនួន២ករណីទៀត នៅរាជធានីភ្នំពេញ នៅលើជនជាតិកាណាដា វ័យ៤៩ឆ្នាំ និងជនជាតិប៊ែលហ្សិក អាយុ៣៣ឆ្នាំ ។
ក្រសួងសុខាភិបាល បញ្ជាក់ថា បុរសបរទេសទាំងពីរនាក់ ត្រូវបានយកមកដាក់ឲ្យសម្រាកព្យាបាល បន្ទប់ដាច់ដោយឡែកនៅមន្ទីរពេទ្យមិត្តភាពខ្មែរ-សូវៀត ។ យ៉ាងណា ក្រុមការងារក្រសួងសុខាភិបាល កំពុងតែស្រាវជ្រាវរកអ្នកដែលប៉ះពាល់ផ្ទាល់ ឬប្រយោល ជាមួយបុរសជនជាតិកាណាដា និងជនជាតិប៊ែលហ្សិក ។
សូមបញ្ជាក់ថា ករណីថ្មីចំនួន២នាក់បន្ថែមថ្មីនេះ មិនពាក់ព័ន្ធទៅនឹងអ្នកដំណើរលើនាវា Wiking Cruise Journey មកពីវៀតណាម ចូលទៅខេត្តកំពង់ចាមទេ ។
សេចក្តីប្រកាសរបស់ក្រសួងសុខាភិបាល មានដូចខាងក្រោមនេះ ៖
ចែករំលែកព័តមាននេះ