ខេត្តបន្ទាយមានជ័យ ៖ ប្រជាពលរដ្ឋប្រទះឃើញគ្រាប់យុទ្ធភ័ណ្ឌមិនទាន់ផ្ទុះចំនួន៣គ្រាប់ និងរាយការណ៍ជូននគរបាលប៉ុស្តិ៍កាលពីថ្ងៃទី១១ ខែមីនា ឆ្នាំ២០២០ បន្ទាប់មកនគរបាលប៉ុស្តិ៍រដ្ឋបាលឃុំភ្នំដី នៃអធិការដ្ឋាននគរបាល ស្រុកភ្នំស្រុក និងមន្ត្រីអង្គភាពហេឡូត្រាសដ៍…
ខេត្តបន្ទាយមានជ័យ ៖ ប្រជាពលរដ្ឋប្រទះឃើញគ្រាប់យុទ្ធភ័ណ្ឌមិនទាន់ផ្ទុះចំនួន៣គ្រាប់ និងរាយការណ៍ជូននគរបាលប៉ុស្តិ៍កាលពីថ្ងៃទី១១ ខែមីនា ឆ្នាំ២០២០ បន្ទាប់មកនគរបាលប៉ុស្តិ៍រដ្ឋបាលឃុំភ្នំដី នៃអធិការដ្ឋាននគរបាល ស្រុកភ្នំស្រុក និងមន្ត្រីអង្គភាពហេឡូត្រាសដ៍ ចុះមកទទួលគ្រាប់យុទ្ធភ័ណ្ឌមិនទាន់ផ្ទុះចំនួន៣គ្រាប់ពីប្រជាពលរដ្ឋនៅភូមិកំពីងពួយ ឃុំភ្នំដី ស្រុកភ្នំស្រុក ខេត្តបន្ទាយមានជ័យ ។
លោកវរសេនីយ៍ឯក យ៉ត សុផល អធិការនគរបាលស្រុកភ្នំស្រុក បានឲ្យដឹងថា មានប្រជាពលរដ្ឋចំនួន២នាក់នៅភូមិកំពីងពួយ ឃុំភ្នំដី ស្រុកភ្នំស្រុក បានប្រទះឃើញគ្រាប់យុទ្ធភ័ណ្ឌមិនទាន់ផ្ទុះដែលនៅសេសសល់ពីសម័យសង្គ្រាម ក្នុងនោះប្រជាពលរដ្ឋម្នាក់ឈ្មោះ ជុំ ប៊ុនជាតិ ភេទប្រុស អាយុ៣៨ឆ្នាំ បានរាយការណ៍ថា គាត់បានប្រទះឃើញគ្រាប់យុទ្ធភ័ណ្ឌមិនទាន់ផ្ទុះប្រភេទក្បាលគ្រាប់៦០មីល្លីម៉ែត្រចំនួន២គ្រាប់ នៅខាងលិចភូមិ និងប្រជាពលរដ្ឋម្នាក់ទៀតឈ្មោះ លាក់ ភេទប្រុស អាយុ៥៩ឆ្នាំ បានប្រទះឃើញគ្រាប់បែក ប្រភេទ F1 ខណៈពេលគាត់ជីកដីធ្វើរបងផ្ទះ ។
លោកអធិការនគរបាលស្រុកភ្នំស្រុកបានបញ្ជាក់ថា ដើម្បីធានាបាននូវសុវត្ថិភាព និងបញ្ចៀសការគ្រោះថ្នាក់ដល់ប្រជាពលរដ្ឋ ទើបនៅថ្ងៃទី១១ខែមីនា ឆ្នាំ២០២០ កម្លាំងនករបាលប៉ុស្តិ៍រដ្ឋបាលឃុំដីភ្នំដី បានសហការជាមួយមន្ត្រីនៃអង្គភាពហេទឡូត្រាសដ៍ចុះមកទទួលយកគ្រាប់ទាំងនោះទៅធ្វើការបំផ្លាញចោល ។
ជាមួយគ្នានោះដែរ លោកអធិការបានអំពាវនាវដល់ប្រជាពលរដ្ឋ ប្រសិនជាបានប្រទះឃើញគ្រាប់យុទ្ធភ័ណ្ឌមិនទាន់ផ្ទុះហាមប៉ះពាល់ ហើយសូមរាយការណ៍មកនគរបាលប៉ុស្តិ៍ដែលនៅជិតមូលដ្ឋានរបស់បងប្អូនឲ្យបានទាន់ពេលវេលា ដើម្បីនគរបាលមានវិធានផ្តល់ព័ត៌មានទៅជំនាញស៊ីម៉ាក់ឬហេឡូត្រាសដ៍ ឱ្យចុះមកទទួលយកដើម្បីធ្វើការបំផ្លាញចោល ៕ (កែសម្រួលដោយ ៖ ធីតា)
ចែករំលែកព័តមាននេះ