ចិន ៖ ទីក្រុង Wuhan ដែលជាចំណុចកណ្តាលនៃការផ្ទុះវីរុសកូវីដ១៩បានរាយការណ៍ថា មានការឆ្លងថ្មីចំនួន៨ករណី ក្នុងរយៈពេល២៤ម៉ោងចុងក្រោយនេះ ដែលជាតួលេខទាបបំផុត ចាប់តាំងពីការចាប់ផ្តើមផ្ទុះឡើង កាលពីពីរខែមុន…
ចិន ៖ ទីក្រុង Wuhan ដែលជាចំណុចកណ្តាលនៃការផ្ទុះវីរុសកូវីដ១៩បានរាយការណ៍ថា មានការឆ្លងថ្មីចំនួន៨ករណី ក្នុងរយៈពេល២៤ម៉ោងចុងក្រោយនេះ ដែលជាតួលេខទាបបំផុត ចាប់តាំងពីការចាប់ផ្តើមផ្ទុះឡើង កាលពីពីរខែមុន កាលពីខែមុនវិញ គឺមានអ្នកកើតថ្មីដល់ទៅរាប់ពាន់នាក់ក្នុងមួយថ្ងៃៗនៅទីក្រុង
នេះ។
ជាសរុប ប្រទេសចិនបានរាយការណ៍ថា មានតែអ្នកឆ្លងថ្មីចំនួន១៥នាក់ និងអ្នកស្លាប់ថ្មីចំនួន១១នាក់កាលពីថ្ងៃព្រហស្បតិ៍ ។ ចំនួនទាំងនេះ ធ្វើឱ្យប្រទេសចិនមានសភាពធូរស្រាលពីជម្ងឺកាចសាហាវនេះ បើប្រៀបធៀបជាមួយនឹងផ្នែកផ្សេងៗទៀតលើពិភពលោក ។
ទីបំផុត អង្គការសុខភាពពិភពលោកបានសម្រេចថា ជំងឺកូវីដ១៩ កើតឡើងជាលក្ខណៈសាកល ដែលគេឃើញប្រទេសអុីតាលីបានជាប់គាំង ដោយសារតែត្រូវរងគ្រោះដោយសារតែជម្ងឺនេះ ខណៈដែលលោកប្រធានាធិបតីអាមេរិក Donald Trump បានចេញបញ្ជាបិទមិនឱ្យបរទេសពីផ្នែកជាច្រើននៃអឺរ៉ុបមិនឱ្យធ្វើដំណើរមកសហរដ្ឋអាមេរិក។
មានករណីឆ្លងជម្ងឺកូវីដ១៩ ជាង១២ម៉ឺន ករណីត្រូវបានបញ្ជាក់នៅជុំវិញពិភពលោក ក្នុងរយៈពេលប៉ុន្មានខែកន្លងមកនេះ ។ មានជាង៨០០០០នាក់នៃអ្នកទាំងនោះ ត្រូវបានគេរាយការណ៍នៅក្នុងប្រទេសចិន ។ តែ បើមើលតាមសភាពពេលនេះ អ្នកកើតថ្មីនៅប្រទេសចិននឹងមានការថយចុះជាបន្តបន្ទាប់៕
ចែករំលែកព័តមាននេះ