ប្រវត្តិសង្ខេបព្រះពុទ្ធព្រះនាមតិស្សៈ ព្រះមាតានាមព្រះនាងបទុមា, ព្រះបិតាជាក្សត្រព្រះនាមជនសន្ទ, ព្រះអង្គមានអគ្គមហេសីនាមព្រះនាងសុភន្ទា មានព្រះរាជបុត្រ១ព្រះអង្គឈ្មោះអានន្ទ ក្នុងនគរឈ្មោះខេមកៈ ព្រះជន្មាយុ៧ពាន់ឆ្នាំ ទើបចេញបព្វជ្ជាដោយសេះ ។
ព្រះអង្គធ្វើទុក្ករកិរិយាកន្លះខែ ដើមធ្នង់ជាពោធិព្រឹក្ស, អគ្គសាវក២រូបគឺ ព្រហ្មទេវៈ១ និងឧទយៈ ១, ឧបដ្ឋាក១រូប ឈ្មោះសមគៈ អគ្គសាវិកា២រូបគឺ ផុស្សា១ សុទត្តា១, មានសាវកសន្និបាត៣ លើក ទី១ មានព្រះខីណាស្រព១សែនអង្គ ទី២មានព្រះខីណាស្រព៩០សែនអង្គ ទី៣មានព្រះខីណាស្រព៨០សែនអង្គ ព្រះជន្មាយុ១សែនឆ្នាំទើបបរិនិព្វាន ។
សម័យនោះព្រះពុទ្ធនៃយើងទ្រង់កើតជាក្សត្រព្រះនាមសុជាត បានលះបង់ភោគសម្បទដ៏ច្រើន ហើយទៅបួសជាឥសី និងបានឮថា ព្រះពុទ្ធព្រះនាមតិស្សត្រាស់ឡើងក្នុងលោក ក៏ត្រេកអររីករាយបានមកថ្វាយបង្គំ ហើយព្រះពុទ្ធតិស្សទ្រង់ទាយថា ឥសីនេះនឹងបានត្រាស់ជាព្រះពុទ្ធក្នុងកាលជាអនាគត ។ សាន សារិន
ចែករំលែកព័តមាននេះ