ក្វាងចូវ ៖ អ្នកឯកទេសដ៏ល្បីល្បាញ ខាងជំងឺផ្លូវដង្ហើម របស់ប្រទេសចិន គឺលោក ហ្សុង ណានសាន បានប្រាប់នារសៀលថ្ងៃព្រហស្បតិ៍នេះថា ប្រសិនបើប្រទេសភាគច្រើន ធ្វើដូចចិន ដោយយកចិត្តទុកដាក់ខ្ពស់កម្រិតថ្នាក់ជាតិ ចំពោះកិច្ចខិតខំប្រឹងប្រែងឆ្លើយតបនៃជំងឺរាតត្បាតជាសកល គឺអាចគ្របគ្រងបាននៅត្រឹមខែមិថុនា នេះបើតាមទីភ្នាក់ងារសារព័ត៌មានចិន ស៊ីនហួរ ។
តាមរយៈបទពិសោធន៍របស់ប្រទេសចិន អាចជួយពិភពលោក ឲ្យចៀសផុតពីការឆ្លង រាតត្បាត បង្កឡើងដោយវីរុសកូវីដ-១៩ ។
លោក Zhong Nanshan បានធ្វើការកត់សម្គាល់ នៅក្នុងសន្និសីទសារព័ត៌មានមួយ នៅខេត្តក្វាងចូវ កាលពីថ្ងៃព្រហស្បតិ៍ថ្ងៃទី១២ ខែមីនា នេះ ។ លោកបាននិយាយថា អត្រាមរណភាព នៃការផ្ទុះជំងឺកូវីដ-១៩នេះ បច្ចុប្បន្ននៅក្រៅប្រទេស គឺប្រហាក់ប្រហែលនឹងដំណាក់កាលដំបូង នៃទីក្រុងវ៉ូហាន ។
លោក ហ្សុង ណានសាន បន្តថា ក្រុមរបស់លោក បានផ្លាស់ប្តូរគំនិត ស្តីពីការគ្រប់គ្រង និងការពារការឆ្លងរាលដាលនៃវីរុស COVID-19 ជាមួយតំបន់រដ្ឋបាលពិសេសហុងកុង, ជប៉ុន, សិង្ហបុរី, អឺរ៉ុប និងបណ្តាប្រទេសមួយចំនួន ហើយអ្នកជំនាញចិន ត្រូវបានបញ្ជូនទៅប្រទេសអ៊ីតាលីរួចហើយ ដើម្បីប្រយុទ្ធប្រឆាំងនឹងវីរុសឆ្លង ។
លោក ហ្សុង បានបន្ថែមថា វាចាំបាច់ក្នុងការផ្លាស់ប្តូរ ទំនាក់ទំនងគ្នា រវាងចិន និងតំបន់ដែលកំពុងផ្ទុះរីករាលដាល ចាប់តាំងពីបទពិសោធន៍និងមេរៀនរបស់ចិន ក្នុងរយៈពេលពីរខែ កន្លងមកអាចជួយឲ្យពិភពលោក កាត់បន្ថយទាំងអត្រាប្រេវ៉ាឡង់ និងអត្រាមរណភាពបាននៅខែមិថុនា ៕
ចែករំលែកព័តមាននេះ