បន្ទាយមានជ័យ ៖ អាជីវករលក់ផ្លែចេកឱ្យដឹងថា ឆ្នាំនេះចេកមានតម្លៃថ្លៃជាងឆ្នាំមុន ដោយសារ តែមានអ្នកដាំតិច ហើយមូលហេតុមានអ្នកដាំតិចដោយសារតែកាលពីឆ្នាំមុនចេកមានតម្លៃថោកខ្លាំងស្ទើតែគ្មានអ្នកទិញ ។ អ៊ុំស្រីម្នាក់ដែលជាអាជីវករលក់ចេកនៅផ្សារហ៊ុយឡេង សង្កាត់អូរអំបិល…
បន្ទាយមានជ័យ ៖ អាជីវករលក់ផ្លែចេកឱ្យដឹងថា ឆ្នាំនេះចេកមានតម្លៃថ្លៃជាងឆ្នាំមុន ដោយសារ តែមានអ្នកដាំតិច ហើយមូលហេតុមានអ្នកដាំតិចដោយសារតែកាលពីឆ្នាំមុនចេកមានតម្លៃថោកខ្លាំងស្ទើតែគ្មានអ្នកទិញ ។
អ៊ុំស្រីម្នាក់ដែលជាអាជីវករលក់ចេកនៅផ្សារហ៊ុយឡេង សង្កាត់អូរអំបិល ក្រុងសិរីសោភ័ណ បានប្រាប់ឱ្យដឹងថា ៖ នៅឆ្នាំនេះចេកលក់បានតម្លៃថ្លៃជាងឆ្នាំមុន ដោយឆ្នាំនេះមានអ្នកដាំតិច ដែលចេកណាំវ៉ា ១ស្និតធំលក់បានតម្លៃពី ១,៥០០រៀលទៅ ២,០០០រៀល និងចេកដំបូង ១ស្និតលក់បានតម្លៃពី ៣,០០០រៀលទៅ ៥,០០០រៀល និងចេកពងមាន់ ១ស្និតលក់បានតម្លៃ ៣,០០០រៀល ។
អុំស្រីបន្ថែមថា បើប្រៀបធៀបឆ្នាំមុនចេកណាំវ៉ា ១ស្និតលក់តម្លៃពី ៥០០រៀល ទៅ ១,០០០ រៀល ចេកដំបូង ១ស្និតតម្លៃ ២,០០០រៀល និងចេកពងមាន់ ១ស្និតតម្លៃតែ ២,៥០០រៀល ប៉ុណ្ណោះ ។ ហើយចំណែកចេកណាំវ៉ាវិញមានតម្លៃថោកហើយស្ទើរតែគ្មានអ្នកទិញទៅទៀត ទើបម្ចាស់ចំការខាត់បង់ ហើយម្ចាស់ចំការមួយចំនួនធំនៅខេត្តប៉ៃលិន និងខេត្តបាត់ដំបង នៅ តាមព្រំដែនដែលដាំដំណាំកសិកម្មបាននាំគ្នាកាប់ និងឈូសដើមចេកចោល រួចនាំគ្នាដាំដំឡូង មីវិញ ។
អ្នកលក់ចេករូបនេះបញ្ជាក់ទៀតថា ក្រោយពេលដែលចេកមានតម្លៃថោកស្ទើរគ្មានអ្នកទិញ ម្ចាស់ចំការដាំតិច ហើយឆ្នាំនេះតម្លៃចេកថ្លៃជាងឆ្នាំមុនជាងពាក់កណ្តាល ធ្វើឱ្យម្ចាស់ចំការខ្លះ បាននាំគ្នាងាកមកដាំចេកវិញ ។ អ៊ុំស្រីឱ្យដឹងទៀតថា ចេកដែលបានលក់ទាំងនេះ គឺប្រជាពលរដ្ឋនៅស្រុកតាមជនបទទិញយក ទៅ ចៀន, ឆឹងស្ករ ធ្វើបង្អែមចេកខ្ទិៈ និងចេកឆាបលក់ និងមានខ្លះទិញយកទៅសែនថ្ងៃសីល ជាដើម ៕
ចែករំលែកព័តមាននេះ