ប្រទេសអ៊ីរ៉ង់ ៖ ប្រទេសអ៊ីរ៉ង់ប្រកាសនាថ្ងៃទី១១មីនាពីមនុស្សបាត់បង់ជីវិត៦៣នាក់ថែមទៀត ដោយសារឆ្លងវីរុសCOVID-19 នាំឲ្យចំនួនសរុបនៃមនុស្សបាត់បង់ជីវិត ឡើងដល់៣៥៤នាក់ហើយក្នុងប្រទេសនេះ ជាប្រទេសមួយក្នុងចំណោមប្រទេសដែលរងការប៉ះពាល់ខ្លាំងជាងគេនៃពិភពលោក។ អ្នកនាំពាក្យក្រសួងសុខាភិបាលអ៊ីរ៉ង់លោកKIANOUCHE JAHANPOURនិយាយថា គួរឲ្យសោកស្ដាយរយៈពេល២៤ម៉ោងចុងក្រោយនេះ…
ប្រទេសអ៊ីរ៉ង់ ៖ ប្រទេសអ៊ីរ៉ង់ប្រកាសនាថ្ងៃទី១១មីនាពីមនុស្សបាត់បង់ជីវិត៦៣នាក់ថែមទៀត ដោយសារឆ្លងវីរុសCOVID-19 នាំឲ្យចំនួនសរុបនៃមនុស្សបាត់បង់ជីវិត ឡើងដល់៣៥៤នាក់ហើយក្នុងប្រទេសនេះ ជាប្រទេសមួយក្នុងចំណោមប្រទេសដែលរងការប៉ះពាល់ខ្លាំងជាងគេនៃពិភពលោក។
អ្នកនាំពាក្យក្រសួងសុខាភិបាលអ៊ីរ៉ង់លោកKIANOUCHE JAHANPOURនិយាយថា គួរឲ្យសោកស្ដាយរយៈពេល២៤ម៉ោងចុងក្រោយនេះ យើងទទួលសេចក្ដីរាយការណ៍ពីមនុស្ស៦៣នាក់ទៀតបាត់បង់ជីវិត នាំឲ្យចំនួនអ្នកបាត់បង់ជីវិត សរុបក្នុងប្រទេសដោយសារវីរុសឡើងដល់៣៥៤នាក់។
អាជ្ញាធរក៍ជំរឿនឃើញអ្នកឆ្លងថ្មី៩៥៨នាក់ នាំឲ្យចំនួនអ្នកឆ្លងសរុបក្នុងប្រទេសឡើងដល់ប្រមាណជា៩.០០០នាក់។ ក្រុងតេហេរ៉ង់រដ្ឋធានីរបស់ប្រទេស មានអ្នកឆ្លងថ្មី២៥៦នាក់ បន្ទាប់មកគឹខេត្តអ៊ីស្ប៉ាហានភាគកណ្ដាលប្រទេស ដែលមានអ្នកឆ្លងថ្មី១៧០នាក់។
ទោះបីយ៉ាងណាអ៊ីរ៉ង់នៅមិនទាន់ប្រកាសរិតត្បិតផ្លូវការការដើរហើរ តែបានអំពាវជាច្រើនលើកដល់ប្រជាជនឲ្យផ្អាកការធ្វើដំណើរ។អាជ្ញាធរបានបិទសាលារៀន បណ្ដាសាកលវិទ្យាល័យ និងបិទបណ្ដាសណ្ឋាគារនិងកន្លែងស្នាក់ទេសចរណ៍ឯទៀតៗ ដើម្បីកុំឲ្យមនុស្សម្នាដើរហើរច្រើន។ ប្រធានាធិបតីអ៊ីរ៉ង់លោកហាសាន់រ៉ូហានី នាថ្ងៃទី១១មីនាបានធ្វើការអំពាវនាវថ្មីមួយ ដល់ពលរដ្ឋអ៊ីរ៉ង់ឲ្យកម្រិតការដើរហើររបស់ពួកគេដើម្បីទប់វីរុស៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ