សៀមរាបនៅតែមានភ្ញៀវដើរកម្សាន្តជាធម្មតា មិនដូចការយល់ច្រឡំ
- សៀមរាប
ខេត្តសៀមរាប ៖ នៅល្ងាចថ្ងៃទី១១ ខែមីនា ឆ្នាំ២០២០នេះ គេសង្កេតឃើញថា ភ្ញៀវជាតិ និងអន្តរជាតិ ព្រមទាំងប្រជាពលរដ្ឋ និងអាជីវករនៅក្នុងក្រុងសៀមរាប…
ខេត្តសៀមរាប ៖ នៅល្ងាចថ្ងៃទី១១ ខែមីនា ឆ្នាំ២០២០នេះ គេសង្កេតឃើញថា ភ្ញៀវជាតិ និងអន្តរជាតិ ព្រមទាំងប្រជាពលរដ្ឋ និងអាជីវករនៅក្នុងក្រុងសៀមរាប…
ខេត្តសៀមរាប ៖ នៅល្ងាចថ្ងៃទី១១ ខែមីនា ឆ្នាំ២០២០នេះ គេសង្កេតឃើញថា ភ្ញៀវជាតិ និងអន្តរជាតិ ព្រមទាំងប្រជាពលរដ្ឋ និងអាជីវករនៅក្នុងក្រុងសៀមរាប គឺមានសកម្មភាពដំណើរការជាធម្មតា ដោយអ្នកខ្លះលក់ដូររកស៊ី និងដឹកភ្ញៀវដើរកំសាន្តទៅមកៗនៅក្នុងក្រុងសៀមរាប នាពេលរាត្រីនៃតំបន់ផាប់ស្ទ្រីត ផ្សាររាត្រី និងផ្លូវមូយចំនួនផងដែរ មិនដូចជាការផ្សព្វផ្សាយតាមបណ្តាញសង្គមនាពេលកន្លងមក ធ្វើឱ្យមានការយល់ច្រឡំខុសពីការពិតនោះឡើយ ។
លោក ថៅ វី ជាអ្នករកស៊ីដឹកភ្ញៀវដោយរ៉ឺម៉កនៅតំបន់ផ្សារចាស់បានឲ្យដឹងថា គាត់មានការព្រួយបារម្ភលាយឡំភ័យខ្លាចខ្លះៗដែរ ប៉ុន្តែមិនអាចឈប់សម្រាកពីការរកស៊ីបានឡើយ សព្វថ្ងៃការរកស៊ីដឹកភ្ញៀវពុំសូវបានច្រើននោះទេ ដោយថ្ងៃខ្លះក៏បានពីរបីដុល្លាដែរ តែថ្ងៃខ្លះក៏មិនបានផងដែរ គឺមូយថ្ងៃកាត់ មួយថ្ងៃកោរ។ លោកបានបន្តថា ចំពោះជំងឺកូវីដ-១៩នោះ អ្នកណាក៏ខ្លាចដែរ តែសំខាន់គឹយើងត្រូវចេះការពារដោយខ្លួនឯង គឺចាំបាច់ត្រូវពាក់ម៉ាស់ លាងដៃជាមួយទឹកអាកុល ឬក៏សាប៊ូ ឲ្យបានច្រើនដងក្នុងមួយថ្ងៃៗ ដើម្បីការពារអាយុជីវិតក្រុមគ្រួសារយើងទាំងអស់គ្នា។
អ្នកស្រី ហម ចាន់ណា ជាអ្នកលក់វត្ថុអនុស្សាវរីយ៍នៅផ្សារផល្លារាត្រីអង្គរ៥ នៅក្រុងសៀមរាប បានលើកឡើងថា ការប្រើប្រាស់ម៉ាស់សម្រាប់យើងអ្នករកស៊ី គឺម៉ាស់យើងត្រូវពាក់នៅពេលណាដែលមានភ្ញៀវច្រើន ឬក៏យើងធ្វើដំណើរចេញទៅខាងក្រៅដែលមានមនុស្សច្រើន ហើយការលាងដៃជាមួយទឹកអាកុល ឬក៏ជេល និងសាប៊ូ វាសំខាន់ណាស់សម្រាប់ការពារមេរោគផ្សេងៗ មិនមែនសំដៅតែជំងឺឆ្លងកូវីដ-១៩ ដែលឆ្លងទៅក្រុមគ្រួសារយើងនោះឡើយ នៅពេលដែលយើងមានអានាម័យល្អ គឺមានសុខភាពល្អនាំមកនៅសុភមង្គលរកស៊ីមានបានតកូនតចៅ ។
សូមរំលឹកផងដែរថា អាជ្ញាធរខេត្តសៀមរាប មន្ទីរសុខាភិបាលខេត្តសៀមរាប បានយកចិត្តទុកដាក់យ៉ាងខ្លាំងចំពោះបញ្ហាខាងលើនោះ ហើយអាជ្ញាធរខេត្តក៏បានអំពាវនាវដល់បងប្អូនប្រជាពលរដ្ឋទទួលព័ត៌មានណាដែលមានប្រភពច្បាស់លាស់ពីអាជ្ញាធរមានសមត្ថកិច្ច មិនត្រូវជឿ និងចែករំលែកបន្តទៅលើការផ្សព្វផ្សាយលើបណ្តាញសង្គមដែលធ្វើអោយមានផលប៉ះពាល់ដល់សណ្តាប់ធ្នាប់សង្គម និងសូមចូលរួមសហការក្នុងការទប់ស្កាត់រាល់ព័ត៌មានមិនពិតទាំងនោះ។ អ្វីជាពិសេសជាងនេះទៅទៀតនោះ ចំពោះបុគ្គលប្រឌិតព័ត៌មាននឹងត្រូវប្រឈមចំពោះមុខច្បាប់។
ជាមួយគ្នានោះដែរ ចំពោះភ្ញៀវទេសចរជាតិនិងអន្តរជាតិនៅតែបន្តដើរទស្សនានៅក្នុងរមណីយដ្ឋានអង្គរដដែល។ យើងឃើញថា ភ្ញៀវទេសចរទាំងនោះហាក់មានការយល់ដឹង ការថែទាំសុខភាព និងមិនមានការភ័យខ្លាចក្នុងដំណើរកម្សាន្តមកកាន់តំបន់រមណីយដ្ឋានអង្គរ ក៏ដូចជាខេត្តសៀមរាបឡើយ៕ (កែសម្រួលដោយ ៖ ធីតា)
ចែករំលែកព័តមាននេះ