មកដឹងពីជីវិតមហាសេដ្ឋីម្នាក់ដែលធ្លាប់ធ្វើជា Hacker ពេលនៅយុវវ័យ
លោក ស្សន ផាកឃើ (Sean Parker) បានទទួលបានភាពជោគជ័យតាំងពីនៅវ័យក្មេង ។ នៅអាយុ ១៩ឆ្នាំ លោកបានបង្កើតក្រុមហ៊ុនមួយឈ្មោះថា…
លោក ស្សន ផាកឃើ (Sean Parker) បានទទួលបានភាពជោគជ័យតាំងពីនៅវ័យក្មេង ។ នៅអាយុ ១៩ឆ្នាំ លោកបានបង្កើតក្រុមហ៊ុនមួយឈ្មោះថា…
លោក ស្សន ផាកឃើ (Sean Parker) បានទទួលបានភាពជោគជ័យតាំងពីនៅវ័យក្មេង ។ នៅអាយុ ១៩ឆ្នាំ លោកបានបង្កើតក្រុមហ៊ុនមួយឈ្មោះថា Napster ដែលផ្លាស់ប្តូរការស្តាប់ចម្រៀងជុំវិញពិភពលោក ។
នៅអាយុ ២៤ឆ្នាំ លោកស្ថិតក្នុងចំណោមប្រធានដែលជួយបង្កើត Facebook ដែលជាប្រព័ន្ធសង្គមធំជាងគេលើលោកនាពេលបច្ចុប្បន្ននេះ ។ នៅអាយុ ៤០ឆ្នាំ លោកមានទ្រព្យសម្បត្តិរួមប្រមាណ២.៧ប៊ីលានដុល្លារ ខណៈដែលលោកបរិច្ចាគរាប់លានដុល្លារសម្រាប់សប្បុរសធម៌ និងរស់នៅជីវិតដ៏ឡូយឆាយ ។ប៉ុន្តែកាលពីលោកនៅយុវវ័យ លោកគឺជា Hacker មួយរូបដែល Hack ចូលក្នុងប្រព័ន្ធកុំព្យូព័ររបស់សាកលវិទ្យាល័យ និងក្រុមហ៊ុនជាច្រើន ដែលរួមមានក្រុមហ៊ុនដែលស្ថិតក្នុងចំណោមក្រុមហ៊ុនធំៗទាំង ៥០០ ក្នុងសហរដ្ឋអាមេរិកថែមទៀត ។
ប៉ុន្តែខណៈដែលលោកកំពុងប្រព្រឹត្តបទល្មើសនោះ ឪពុករបស់លោកបានរឹបអូសយកក្តារវាយកុំព្យូទ័រដែលអនុញ្ញាតឲ្យ FBI រកឃើញទីតាំងរបរស់លោក ។ ព្រោះតែលោកមិនទាន់គ្រប់អាយុ លោកត្រូវបានពិន័យឲ្យធ្វើកិច្ចការសង្គមដើម្បីលាងកំហុសរបស់ខ្លួន ។ លោក ផាកឃើ ចូលរួមក្រុមការងាររបស់ Facebook នៅឆ្នាំ ២០០៤ ឬពេលដែលវាគ្រាន់តែជាក្រុមហ៊ុនតូចតាចមួយប៉ុណ្ណោះ ។
នៅឆ្នាំ ២០០៥ លោកត្រូវបានចោទប្រកាន់ថាមានកូកាអ៊ីនជាប់ខ្លួនដែលធ្វើឲ្យលោកចាកចេញពី Facebook ប៉ុន្មានខែក្រោយមក ។ ប៉ុន្តែលោកនៅតែជះឥទ្ធិពលលើ Facebook យ៉ាងខ្លាំងបន្ទាប់ពីចាកចេញពីក្រុមហ៊ុន ។
អតីតមិត្តរួមការងាររបស់លោកធ្លាប់បានចែករំលែកថាលោកជាមនុស្សដែលពូកែផ្តោតស្មារតីលើកិច្ចការយ៉ាងខ្លាំងដែលពេលខ្លះអ្នកដទៃត្រូវតេទូរស័ព្ទទៅលោកប្រមាណពី ១០ទៅ ២០ដងទើបលោកលើកទូរស័ព្ទ ។ លោកបានចំណាយប្រមាណ ៤.៥លានដុល្លារសម្រាប់ពិធីអាពាហ៍ពិពាហ៍របស់លោកដើម្បីបង្កើតពិភពលោកពោរពេញទៅដោយវេទមន្ត និងចំណាយថវិកាជាច្រើនលើអចលនទ្រព្យ និងរថយន្តទំនើបៗ ។ ប៉ុន្តែលោកក៏ត្រូវបានចាត់ទុកថាជាមនុស្សដែលចូលរួមក្នុងការងារសប្បុរសធម៌ខ្លាំងជាងគេដែរ ។
កាលពីឆ្នាំ ២០១៥ លោកបានបរិច្ចាគ ៦០០លានដុល្លារដើម្បីបង្កើតមូលនិធិ Parker Foundation ដែលផ្តល់ថវិកាបរិច្ចាគសម្រាប់កិច្ចការក្នុងផ្នែកវិទ្យាសាស្ត្រ និងសុខភាពសាធារណៈពិភពលោកជាដើម ៕ កែសម្រួលដោយ ៖ សុឃាក់
ចែករំលែកព័តមាននេះ