ប្រទេសចិន ៖ តាមស៊ីនហួថា មន្ទីរពេទ្យបណ្ដោះអាសន្នចុងក្រោយគេ២នៅក្រុងវូហាន ចំណុចកណ្ដាលនៃការឆ្លងវីរុសCOVID-19ក្នុងខេត្តហ៊ូប៉ី បានត្រូវបិទកាលពីថ្ងៃទី១០ ខែមីនា ឆ្នាំ ២០២០ ដែលនោះកំណត់ពីការបិទមន្ទីរពេទ្យបណ្ដោះអាសន្នទាំង១៦ក្នុងទីក្រុងនោះ។
អ្នកជំងឺចុងក្រោយគេ៤៩នាក់ បានចាកចេញពីមន្ទីរពេទ្យបណ្ដោះអាសន្ន WUCHANG កាលពីថ្ងៃទី១០ ខែមីនា វេលាម៉ោង១៥និង៣០នាទី។ មន្ទីរពេទ្យបណ្ដោះអាសន្ននេះ គឹយកទីតាំងស្ដាតហុងសាន WUCHANG ហើយដាក់ឲ្យដំណើរការពីថ្ងៃទី៥កុម្ភៈមក។ ជាមួយគ្រែ៧៨៤មន្ទីរពេទ្យនោះ ទទួលអ្នកជំងឺសរុប១.១២៤នាក់ហើយព្យាបាលអ្នកជំងឺជា៨៣៣នាក់ ចំណែកអ្នកជំងឺនៅសល់២៩១នាក់ផ្ទេ្តរទៅកាន់មន្ទីរពេទ្យឯទៀតៗ។ មន្ទីរពេទ្យបណ្ដោះអាសន្នមួយទៀតដែលស្ថិតនៅក្បែរគ្នា បើកពីថ្ងៃទី១៤ កុម្ភៈមក ក៏បានបិទនារសៀលថ្ងៃទី១០ មីនាដែរ ក្រោយដំណើរការ២៦ថ្ងៃមក។
ដើម្បីព្យាបាលបណ្ដាអ្នកជំងឹដែលឆ្លងវីរុស COVID-19 ក្រុងវូហានបានប្រែក្លាយបណ្ដាទីតាំងសាធារណៈដូចជាបណ្ដាមជ្ឈមណ្ឌលតាំងពិព័រណ៍ព្រមទាំងបណ្ដាទីតាំងកីឡា ឲ្យទៅជាមន្ទីរពេទ្យបណ្ដោះអាសន្ន១៦កន្លែង។ ការបិទមន្ទីរពេទ្យបណ្ដោះអាសន្នទាំងនោះនៅវូហាន មានន័យថា មន្ទីរពេទ្យទាំងនេះបានបញ្ចប់ភារកិច្ចជាប្រវត្តិសាស្ត្ររបស់ខ្លួន ក្នុងការប្រយុទ្ធតតាំងប្រឆាំងវីរុស។ មន្ទីរពេទ្យបណ្ដោះអាសន្នក្រុងវូហានទាំង១៦នោះ ទទួលអ្នកជំងឺសរុប១៣.០០០នាក់ ហើយបានដើរតួនាទីមួយដ៏មានប្រសិទ្ធភាព។
ចំណែកប្រធានាធិបតីចិន លោកស៊ីជីនពីង នាថ្ងៃទី១០ ខែមីនា បានចុះដោយផ្ទាល់ទៅកាន់មន្ទីរពេទ្យ HUOSHENSHAN ក្រោយពីលោកទៅដល់ក្រុងវូហាន ដើម្បីធ្វើ្វការត្រួតពិនិត្យមួយ។ នៅទីនោះលោកស្ដាប់សេចក្ដីរាយការណ៍ពីកិច្ចដំណើរការរបស់មន្ទីរពេទ្យ ពីការព្យាបាលបណ្ដាអ្នកជំងឺ ពីកិច្ចការពារបណ្ដាបុគ្គលិកពេទ្យនិងការស្រាវជ្រាវខាងវិទ្យាសាស្ត្រ ក្នុងផ្ទៃនៃមន្ទីរពេទ្យនោះ។
លោកក៏សាកសួរសុខទុក្ខដែរ បណ្ដាអ្នកជំងឺក្នុងមន្ទីរពេទ្យនេះ ហើយសម្ដែងការសរសើរចំពោះបណ្ដាសមាជិកបុគ្គលិកមន្ទីរពេទ្យ ដែលខំតស៊ូប្រឆាំងការឆ្លងរាលដាលនៃវីរុស មិនគិតពីថ្ងៃឬយប់។ លោកបានលើកទឹកចិត្តពួកគេ ឲ្យពង្រឹងទំនុកចិត្តក្នុងជ័យជម្នះនៃការតស៊ូប្រឆាំងការឆ្លងវីរុស។ នៅទីនោះលោកសន្យាតស៊ូដោយម៉ឺងម៉ាត់ ដើម្បីដណ្ដើមជ័យជម្នះក្នុងសង្គ្រាមប្រឆាំងជំងឺនេះ។ លោកអំពាវនាវឲ្យបង្កើនការខិតខំប្រឹងប្រែងបង្ការនិងត្រួតពិនិត្យដោយហ្មត់ចត់និងរឹងមាំ ព្រមទាំងល្ងិតល្អន់បំផុត ដើម្បីការពារខេត្តហ៊ូប៉ី និងក្រុងវូហាន។
មន្ទីរពេទ្យ HUOSHENSHAN ជាមន្ទីរពេទ្យដែលកសាងដ៏រហ័ស ប្រើពេលតែ១០ថ្ងៃ មានគ្រែដល់ទៅ១០០០ ហើយទទួលព្យាបាលជាពិសេសបណ្ដាអ្នកជំងឺឆ្លងវីរុសCOVID-19។
នៅចិនដីគោកសរុបអ្នកជំងឹ១.៥៧៨នាក់ទៀតដែលឆ្លងវីរុស បានជាសះស្បើយចាកចេញពីមន្ទីរពេទ្យនាថ្ងៃទី១០មីនា។ គិតមកដល់ចុងថ្ងៃទី១០មីនានោះ អ្នកជំងឺដែលជាសះស្បើយ និងចាកចេញពីមន្ទីរពេទ្យនៅចិនដីគោក មានសរុប៦១.៤៧៥នាក់ ក្នុងចំណោមអ្នកឆ្លងសរុប៨០.៧៧៨នាក់ ដែលក្នុងចំណោមនោះមានអ្នកបាត់បង់ជីវិត៣.១៥៨នាក់៕ ដកស្រង់ចេញពីវេបសាយ ៖ xinhuanet (កែសម្រួលដោយ ៖ បុប្ផា)
ចែករំលែកព័តមាននេះ