រាជធានីភ្នំពេញ ៖ បុរសពីរនាក់ជិះម៉ូតូមួយគ្រឿងទៅបុកជាមួយនឹងរថយន្តទួរីសមួយគ្រឿងបណ្តាលឱ្យម៉ូតូវៀចកង់ខាងមុខ ចំណែកអ្នកជិះម៉ូតូទាំងពីរនាក់សន្លប់មួយសន្ទុះទើបដឹងខ្លួនឡើងវិញ ហើយតៃកុងរថយន្តទួរីសបានបើកគេចបាត់ស្រមោល ។ ហេតុការណ៍នេះកើតឡើងកាលពីវេលាម៉ោង១២ និង១០ នាទីរំលងអាធ្រាត្រ ឈានចូលថ្ងៃទី ៩ កញ្ញា ២០១៤ នៅចំណុចផ្លូវលេខ១៣ កែងផ្លូវលេខ១០៦ ស្ថិតក្នុងសង្កាត់ផ្សារចាស់ ខណ្ឌដូនពេញ ។
ប្រភពព័ត៌មានបានឱ្យដឹងថា នៅមុនពេលកើតហេតុបុរសរងគ្រោះទាំងពីរនាក់បានជិះម៉ូតូហុងដាឌ្រីម សេ១២៥ ពណ៌ខ្មៅ មួយគ្រឿងពាក់ស្លាកលេខភ្នំពេញ 1BX-501 ធ្វើដំណើរតាមផ្លូវលេខ១៣ក្នុងទិសដៅត្បូងទៅជើង ខណៈមកដល់ចំណុចកើតហេតុក៏បានទៅបុកគ្នាជាមួយរថយន្តទួរីស ពណ៌សមួយគ្រឿង មិនស្គាល់ស្លាកលេខ ធ្វើដំណើរតាមផ្លូវ១០៦ ពីលិចទៅកើត បណ្តាលឱ្យសន្លប់មួយសន្ទុះទើបដឹងខ្លួនឡើងវិញ ចំណែកម្ចាស់រថយន្តទួរីស បានបើកគេចបាត់ស្រមោលតែម្តង ។
ក្រោយពេលកើតហេតុបុរសរងគ្រោះទាំងពីរនាក់ងើបពីសន្លប់បានយកម៉ូតូលើកដាក់លើរឺុម៉កម៉ូតូ ដើម្បីយកទៅជួសជុល ។
ចែករំលែកព័តមាននេះ