រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា ជនសង្ស័យ២នាក់ធ្វើសកម្មភាពលួចគាស់ផ្ទះរបស់ប្រជាពលរដ្ឋនៅម្តុំហាងនំអប្សរា ដោយលួចយកលុយ និងគ្រឿងអលង្ការសរុបជាប្រាក់ជាង៦ម៉ឺនដុល្លារ លុះ៥ថ្ងៃក្រោយទើបក្របួចបានទាំង២នាក់តែម្តង យកទៅសួរនាំនៅការិយាល័យចរាចរណ៍ព្រហ្មទណ្ឌកំរិតស្រាល កាលពីម៉ោង11និង30នាទីយប់ ថ្ងៃទី10 ខែមីនា ឆ្នាំ2020 តាមបណ្តោយផ្លូវ154កែងផ្លូវ63 នៅចំណុចក្បែរនឹងកាហ្វេរតនៈគីរី ស្ថិតក្នុងសង្កាត់ផ្សារថ្មី3 ខណ្ឌដូនពេញ ។
តាមប្រភពពីសមត្ថកិច្ចជំនាញព្រហ្មទណ្ឌកំរិតស្រាលនៃសង្នការរាជធានីភ្នំពេញ បានឱ្យដឹងថា មុនពេលកើតហេតុ មានជនសង្ស័យ២នាក់មិនស្គាល់អត្តសញ្ញាណនោះទេ បានធ្វើកម្មភាពលួចគាស់ផ្ទះរបស់ប្រជាពលរដ្ឋនៅជាន់ទី២ ផ្លូវលេខ182ក្បែរនឹងហាងនំអប្សរា ក្នុងសង្កាត់បឹងព្រលឹត ខណ្ឌ7មករា នៅម៉ោង12និង30នាទីរំលងអធ្រាត្រ ថ្ងៃទី7 ខែមីនា បើគិតជាទឹកប្រាក់ជាង3ម៉ឺនដុល្លារ និងគ្រឿងអលង្ការជាង3ម៉ឺនដុល្លារ សរុបទាំងអស់ជាង6ដុល្លារ ។
សមត្ថកិច្ចបន្តថា បន្ទាប់ពីជនសង្ស័យធ្វើសកម្មភាពលួចគាស់ផ្ទះរួចហើយ សមត្ថកិច្ចជំនាញតាមស្រាវជ្រាវអស់រយៈពេល5ថ្ងៃ ទើបតាមក្របួចបានជនសង្ស័យម្នាក់ នៅផ្លូវ63 ម្តុំការហ្វេរតនៈគីរី ក្រោយមកក៏ឈានទៅធ្វើការបង្ក្រាប និងឃាត់ខ្លួនបានជនសង្ស័យម្នាក់ទៀត ជាអ្នកធ្វើកម្មភាពលួចគាស់ផ្ទះផ្ទាល់តែម្តង នៅចំណុចម្តុំវត្តបុទុមវតី ។
ក្រោយពេលកើតហេតុ ជនសង្ស័យខាងលើនេះ ត្រូវបានសមត្ថកិច្ចធ្វើការកសាងសំណុំរឿងបញ្ជូនខ្លួនទៅកាន់តុលាការ ដើម្បីចាត់ការទៅតាមនីតិវិធី ៕ (កែសម្រួលដោយ ៖ បុប្ផា)
ចែករំលែកព័តមាននេះ