ក្របខ័ណ្ឌ Serie A អាចនឹងបញ្ចប់ទៅដោយការប្រកួតជម្រុះរកជើងឯក
4 ឆ្នាំ មុន
សហព័ន្ធកីឡាបាល់ទាត់អុីតាលី (FIGC) បាននិយាយបន្ទាប់ពីកិច្ចប្រជុំមួយកាលពីថ្ងៃអង្គារថា ក្របខ័ណ្ឌ Serie A អាចបញ្ចប់ទៅដោយការប្រកួតជម្រុះ (Play-Off) ដោយសារតែការផ្ទុះឡើងនៃវីរុស Covid-19។…
សហព័ន្ធកីឡាបាល់ទាត់អុីតាលី (FIGC) បាននិយាយបន្ទាប់ពីកិច្ចប្រជុំមួយកាលពីថ្ងៃអង្គារថា ក្របខ័ណ្ឌ Serie A អាចបញ្ចប់ទៅដោយការប្រកួតជម្រុះ (Play-Off) ដោយសារតែការផ្ទុះឡើងនៃវីរុស Covid-19។
សេចក្តីថ្លែងការណ៍របស់ FIGC បានបញ្ជាក់ថាក្របខ័ណ្ឌ Serie A នឹងផ្អាករហូតដល់ថ្ងៃទី៣ ខែមេសា បន្ទាប់ពីមានអនុក្រឹត្យរបស់រដ្ឋាភិបាលអុីតាលី ដែលបានចេញកាលពីថ្ងៃច័ន្ទ។ ក្នុងនោះប្រធាន FIGC លោក Gabriele Gravina ក៏បានដាក់ជម្រើស ដោយការប្រកួតជម្រុះ ឬប្រកាសពីចំណាត់ថ្នាក់បច្ចុប្បន្ន ដើម្បីកំណត់ម្ចាស់ជើងឯក ប្រសិនបើរដូវកាលនេះមិនអាចបញ្ចប់បាន។
ការប្រកួតជម្រុះនឹងធ្វើឡើងដើម្បីកំណត់ម្ចាស់ជើងឯក រួមទាំងក្រុមជាប់ទៅវគ្គជម្រុះពានរង្វាន់អឺរ៉ុប (Champions League, Europa League) និងក្លិប៣ដែលត្រូវកាត់ចេញទៅលេងនៅក្របខ័ណ្ឌ Serie B ។ ប៉ុន្តែប្រសិនបើអ្នកឈ្នះពានរង្វាន់ត្រូវបានសំរេចដោយចំណាត់ថ្នាក់ បច្ចុប្បន្ននោះក្រុម Juventus នឹងក្លាយជាម្ចាស់ជើងឯកអុីតាលីសម្រាប់រដូវកាលនេះ។
ចែករំលែកព័តមាននេះ