ទីក្រុងវ៉ូហាន ៖ នៅពេលពន្លឺថ្ងៃមកដល់ ក្រុមគ្រួសារបានមកទទួលអ្នកជំងឺចាកចេញពីមន្ទីរពេទ្យបណ្តោះអាសន្ន ជាបន្តបន្ទាប់ នៅថ្ងៃអង្គារទី១០ មីនានេះ មន្ទីរពេទ្យបណ្តោះអាសន្នចំនួន២ ចុងក្រោយ ត្រូវបិទទ្វារ ដោយសារចំនួនអ្នកឆ្លងវីរុសកូវីដ-១៩ កំពុងធ្លាក់ចុះ នេះបើតាមទីភ្នាក់ងារសារព័ត៌មានចិន ស៊ីនហួរ ។
ករណីឆ្លងថ្មីរបស់ Covid19 នៅចិន មានការធ្លាក់ចុះគួរឱ្យកត់សម្គាល់
វ៉ូហានដែលជាចំណុចកណ្តាល នៃការផ្ទុះវីរុសប្រទេសថ្មី COVID-19 នៅខេត្តហ៊ូប៉ី ភាគកណ្តាល នៃប្រទេសចិន ត្រូវគេរំពឹងថា នឹងបិទមន្ទីរពេទ្យបណ្តោះអាសន្នចំនួន២ ដែលកំពុងដំណើរការ នៅថ្ងៃអង្គារនេះ ខណៈចំនួនអ្នកជំងឺ កូវីដ-១៩ បន្តធ្លាក់ចុះ ។ បុគ្គលិកពេទ្យ ត្រូវរង់ចាំទៅមន្ទីរពេទ្យរបស់រដ្ឋ ដែលបានកំណត់ ។
ប្រធានមន្ទីរសុខាភិបាលខេត្តហ៊ូប៉ី បាននិយាយនៅព្រឹកថ្ងៃអង្គារនេះថា អាជ្ញាធរខេត្តហ៊ូប៉ី នឹងបិទមន្ទីរពេទ្យបណ្តោះអាសន្នជាបណ្តើរៗ ថ្វីបើប្រទេសចិនកាត់បន្ថយចំនួនមន្ទីរពេទ្យដែលបានត្រៀមសម្រាប់អ្នកជំងឺកូវីដ-១៩នេះ ប៉ុន្តែវិធានការបង្ការ និងគ្រប់គ្រងយ៉ាងតឹងរឹង នៅរក្សាដដែល ។
រហូតមកដល់ម៉ោង១រសៀល ថ្ងៃទី១០ មីនា ២០២០នេះ សរុបចំនួននៅទូទាំងប្រទេសចិន ៖ មានអ្នកឆ្លងវីរុសកូវីដ-១៩ ចំនួន ៨០,៧៥៧ករណី, អ្នកឆ្លងថ្មីបន្ថែម ២២ករណី, អ្នកស្លាប់ ៣,១៣៦នាក់, កំពុងសម្រាកព្យាបាល ១៧,៦៩៧នាក់ ក្នុងនោះធ្ងន់ធ្ងរ ៤,៧៩៤នាក់ និងអ្នកជាសះស្បើយ ៥៩,៩២៤ នាក់ ។
សូមរម្លឹកថា មន្ទីរពេទ្យបណ្តោះអាសន្នក្នុងទីក្រុងវូហាន ចំនួន១៤ ត្រូវបិទ
ចែករំលែកព័តមាននេះ