ខេត្តកណ្តាល ៖ លោក ថោង ផល្លារង្សី ចៅក្រមសើបសួរសាលាដំបូងខេត្តកណ្តាលនៅល្ងាចថ្ងៃទី០៩ ខែមីនានេះបានសម្រេចចេញដីកាឃុំខ្លួនចោរស្រីលួចបារីយ៉ាងសកម្មម្នាក់ នៅស្រុកខ្សាច់កណ្តាល ដាក់ពន្ធនាគារបណ្តោះអាសន្នពីបទ«អំពើលួច» ដែលប្រព្រឹត្តនៅវេលាម៉ោង៧និង០០នាទីថ្ងៃទី០៨…
ខេត្តកណ្តាល ៖ លោក ថោង ផល្លារង្សី ចៅក្រមសើបសួរសាលាដំបូងខេត្តកណ្តាលនៅល្ងាចថ្ងៃទី០៩ ខែមីនានេះបានសម្រេចចេញដីកាឃុំខ្លួនចោរស្រីលួចបារីយ៉ាងសកម្មម្នាក់ នៅស្រុកខ្សាច់កណ្តាល ដាក់ពន្ធនាគារបណ្តោះអាសន្នពីបទ«អំពើលួច» ដែលប្រព្រឹត្តនៅវេលាម៉ោង៧និង០០នាទីថ្ងៃទី០៨ ខែមីនានេះ ចំណុចភូមិបឹងក្រចាប់ជើង ឃុំព្រែកតាមាក់ ស្រុកខ្សាច់កណ្តាល ខេត្តកណ្តាល ។
ជនរងគ្រោះឈ្មោះ លី គន្ធី ភេទស្រី អាយុ៣៦ឆ្នាំ ជនជាតិខ្មែរ មុខរបរលក់ដូរ មានទីលំនៅភូមិ-ឃុំកើតហេតុ ខាងលើ ។ ចំណែកជនត្រូវចោទឈ្មោះ អឿន ណាន ភេទស្រី អាយុ៤០ឆ្នាំ ជនជាតិខ្មែរ មុខរបរកសិករ មានទីលំនៅភូមិព្រៃធំ ឃុំវិហារសួគ៌ ស្រុកខ្សាច់កណ្តាល ខេត្តកណ្ដាល ។
សមត្ថកិច្ចបានប្រាប់អោយដឹងថា ៖ កន្លងមកឈ្មោះអឿន ណាន បានប្រព្រឹត្តអំពើលួចយកបារីរបស់ឈ្មោះលី គន្ធី ជាច្រើនលើកមកហើយ ។ ដោយនៅថ្ងៃទី០៧ ខែមិនា ឆ្នាំ២០២០ វេលាម៉ោង៨និង០០នាទី ឈ្មោះអឿន ណាន បានមកទិញនំនៅផ្ទះរបស់ឈ្មោះលី គន្ធី ហើយបន្លំលួចបារី បានចំនួន០៦សុង យកទៅលក់ឲ្យគេបន្ត ចំណែកឈ្មោះ លី គន្ធី មានការសង្ស័យដោយបាត់បារីម៉ាកនេះជាញឹកញាប់ក៏ឆែកកាម៉េរាសុវត្ថិភាពមើលឃើញសកម្មភាពរបស់ឈ្មោះ អឿន ណាន លួចយកបារីម៉ាកនោះមែនហើយជាច្រើនលើកទៀត ។
ដល់ថ្ងៃទី០៨ ខែមិនា ឆ្នាំ២០២០ វេលាម៉ោង៧និង០០នាទី ឈ្មោះ លី គន្ធី កំពុងតែលក់ដូរគ្រឿងចាប់ហួយនៅផ្ទះរបស់ខ្លូន ស្រាប់តែឈ្មោះ អឿន ណាន បានជិះម៉ូតូឌុបកូនស្រីមកដល់ផ្ទះឈ្មោះ លី គន្ធី ហើយធ្វើជាទិញនំ និងបន្លំលួចយកបារីម៉ាក ដាក់ក្នុងចង្កេះខោ និងកាបូបស្ពាយបានបារីចំនួន០៩សុង ពេលនោះឈ្មោះលី គន្ធី បានចាប់ឈ្មោះ អឿន ណាន ឆែកឃើញបារីរបស់ខ្លួនត្រូវឈ្មោះ អឿន ណាន លួចដូចនេះក៏រាយការណ៍ជូនសមត្ថកិច្ចនគរបាលប៉ុស្តិ៍ព្រែកតាមាក់ និងដាក់ពាក្យបណ្តឹង ដោយសមត្ថកិច្ចបានបញ្ជូនជនសង្ស័យរួមជាមួយវត្ថុតាងមកអធិការដ្ឋាននគរបាលស្រុកខ្សាច់កណ្តាល ។
នៅចំពោះមុខសមត្ថកិច្ចជនសង្ស័យសារភាពថា ៖ ខ្លួនចូលលួចបារីនៅផ្ទះជនរងគ្រោះបានចំនួន៨លើកមកហើយ ។ ចំណែកឯជនរងគ្រោះអះអាងថា ៖ រយៈពេលតែ៩ថ្ងៃ ឆែកកាម៉េរាសុវត្ថិភាពឃើញជនសង្ស័យលួចបារីអស់ចំនួន៥៩សុង គិតប្រាក់៣លានរៀល ៕
ចែករំលែកព័តមាននេះ