ព្រះមហាក្សត្រម៉ារ៉ុក ព្រះចៅម៉ូហាម៉េដ ទី៦ ទ្រង់ប្រកាសកាលពីយប់ថ្ងៃទី៩ មីនា ពីការកែទម្រង់រដ្ឋធម្មនុញ្ញ និងការបង្កើតគណៈកម្មការមួយទទួលបន្ទុករៀបចំសំណើនានារហូតដល់ខែមិថុនា ។
ក្នុងព្រះរាជសុន្ទរកថាមួយទៅកាន់ប្រជាជាតិព្រះចៅម៉ូហាម៉េដ ទី៦ បញ្ជាក់ថា ការកែទម្រង់នេះនឹងពង្រឹងឯករាជភាពរបស់តុលាការ តួនាទីរបស់បណ្តាគណបក្សនយោបាយ និងការធ្វើតំបន់ភាវូបនីយកម្ម ដើម្បីផ្តល់អំណាចកាន់តែច្រើនដល់បណ្តាស្ថាប័នមូលដ្ឋាន ។ រដ្ឋធម្មនុញ្ញក្រោយការធ្វើវិសោធនកម្មនឹងដាក់ឱ្យបោះប្រជាមតិ ។
កាលពីថ្ងៃទី២០ កុម្ភៈ កន្លងមកនេះ ពលរដ្ឋម៉ារ៉ុកជាច្រើនពាន់នាក់ដែលយកគំរូតាមបដិវត្តន៍នៅទុយនីស៊ី និងអេហ្ស៊ីបបាននាំគ្នាធ្វើបាតុកម្មនៅតាមដងវិថីទាំងឡាយដើម្បីទាមទារការកែទម្រង់នយោបាយ ៕
ចែករំលែកព័តមាននេះ