មន្ទីរពេទ្យបណ្តោះអាសន្នក្នុងទីក្រុងវូហាន ចំនួន១៤ ត្រូវបិទ
វ៉ូហាន ៖ ទីក្រុងវ៉ូហាន ជាចំណុចកណ្តាល នៃការផ្ទុះឡើងនូវវីរុសឆ្លង COVID-19 នៅខេត្តហ៊ូប៉ី ភាគកណ្តាលប្រទេសចិន នៅថ្ងៃចន្ទនេះ បានបិទមន្ទីរពេទ្យបណ្តោះអាសន្នមួយទៀត…
វ៉ូហាន ៖ ទីក្រុងវ៉ូហាន ជាចំណុចកណ្តាល នៃការផ្ទុះឡើងនូវវីរុសឆ្លង COVID-19 នៅខេត្តហ៊ូប៉ី ភាគកណ្តាលប្រទេសចិន នៅថ្ងៃចន្ទនេះ បានបិទមន្ទីរពេទ្យបណ្តោះអាសន្នមួយទៀត…
វ៉ូហាន ៖ ទីក្រុងវ៉ូហាន ជាចំណុចកណ្តាល នៃការផ្ទុះឡើងនូវវីរុសឆ្លង COVID-19 នៅខេត្តហ៊ូប៉ី ភាគកណ្តាលប្រទេសចិន នៅថ្ងៃចន្ទនេះ បានបិទមន្ទីរពេទ្យបណ្តោះអាសន្នមួយទៀត ខណៈដែលចំនួនអ្នកជំងឺ បន្តធ្លាក់ចុះជាបន្តបន្ទាប់ នេះបើតាមទីភ្នាក់ងារព័ត៌មានចិន ស៊ិនហួរ ចេញផ្សាយនៅថ្ងៃទី៩ ខែមីនានេះ ។
មន្ទីរពេទ្យបណ្តោះអាសន្ន ដែលបានប្តូរមកពីមជ្ឈមណ្ឌលតាំងពិព័រណ៍អន្ដរជាតិមួយ បានបិទនៅម៉ោង៣រសៀលថ្ងៃនេះ នាំឲ្យចំនួនមន្ទីរពេទ្យបណ្តោះអាសន្ន ដែលបានបិទ មានដល់ទៅ ១៤ កន្លែងហើយ ។
ក្រោយពីទីក្រុងវ៉ូហានផ្ទុះឡើងនៃវីរុសកូវីដ-១៩ ធ្វើអោយអ្នកជំងឺកើនឡើង និងត្រូវព្យាបាលដាក់នៅដាច់ដោយឡែកពីគ្នា ទើបអាជ្ញាធរចិន បានប្តូរទីកន្លែងសាធារណៈ ដូចជាមជ្ឈមណ្ឌលតាំងពិព័រណ៍ កីឡដ្ឋាន និងកន្លែងហាត់ប្រាណ ទៅជាមន្ទីរពេទ្យបណ្តោះអាសន្ន មានចំនួន១៦ ទីតាំង ។
មន្ត្រីក្រុងវ៉ូហាន បាននិយាយថា មន្ទីរពេទ្យបណ្តោះអាសន្នពីរផ្សេងទៀត ដែលកំពុងដំណើរការ លោករំពឹងថា នឹងត្រូវបិទឆាប់ៗនេះផងដែរ ។
សូមជម្រាបថា គិតត្រឹមម៉ោង៥ល្ងាចថ្ងៃទី៩ មីនានេះ ចំនួនសរុបនៅទូទាំងប្រទេសចិន ៖ អ្នកឆ្លងវីរុសកូវីដ-១៩ ចំនួន ៨០.៧៣៩ករណី, រកឃើញថ្មី ៤៤ករណី, អ្នកស្លាប់ ៣.១២០នាក់, កំពុងសម្រាកព្យាបាល ១៨.៩០៣នាក់, ធ្ងន់ធ្ងរ ៥.១១១នាក់ និងជាសះស្បើយ ៥៨.៧១៦ នាក់ ៕
ចែករំលែកព័តមាននេះ