ប្រទេសអ៊ីតាលី ៖ ទីភ្នាក់ងារការពារស៊ីវិលអ៊ីតាលីរាយការណ៍នាថ្ងៃទី៨មីនាថា ចំនួនអ្នកបាត់បង់ជីវិត ថ្មីទាក់ទិននឹងវីរុសCOVID-19 នៅអ៊ីតាលីមានដល់១៣៣នាក់ នាំឲ្យអ្នកបាត់បង់ជីវិតក្នុងប្រទេសនេះឡើងដល់៣៦៦នាក់។ នោះជាការកើនយ៉ាងខ្លាំងក្នុងរយៈពេលតែ១ថ្ងៃ កត់សម្គាល់ឃើញ តាំងពីចាប់ផ្ដើមការឆ្លងក្នុងប្រទេសកាលពី១៥ថ្ងៃមុននេះមក។
ចំណែកចំនួនសរុបនៃអ្នកឆ្លងបានកើន២៥% ដែលគិតមកដល់ថ្ងៃទី៨មីនាមានដល់៧.៣៧៥នាក់ ទល់នឹង៥.៨៨៣នាក់ជំរឿនឃើញកាលពីថ្ងៃទី៧មីនា ហើ់យមនុស្សជិត៦៥០នាក់ កំពុងទទួលការព្យាបាលបន្ទាន់។ ប្រឈមមុខនឹងការឆ្លងរាលដាលដ៏ឆាប់នៃវីរុស អ៊ីតាលី កាលពីថ្ងៃទី៨មីនាបានដាក់តំបន់ជាច្រើននាភាគខាងជើងប្រទេស ជាតំបន់មានប្រជាជនច្រើននិងមានជាងគេរបស់ប្រទេសឲ្យនៅដាច់ពីគេ។
ក្រៅពីអ៊ីតាលីអាល្លឺម៉ង់អ្នកឆ្លងវីរុសគិតដល់រសៀលថ្ងៃទី៨មីនាឡើងដល់៩០២នាក់ ក្នុងនោះ៣៩២នាក់ក្នុងឃុំតែមួយនាភាគខាងលិចប្រទេស។ នៅអ៊ូរ៉ង់មានអ្នកបាត់បង់ជីវិតថ្មី៤៩នាក់ នាំឲ្យចំនួនអ្នកបាត់បង់ជីវិតឡើងដល់១៩៤នាក់ក្នុងចំណោមអ្នកឆ្លង៦.៥៦៦នាក់។ នៅជប៉ុនចំនួនអ្នកឆ្លងឡើងដល់លើសពី១.០០០នាក់ ហើយមនុស្ស១២នាក់បានបាត់បង់ជីវិត៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ