រាជធានីភ្នំពេញ ៖ ពិធី «ចុះអនុស្សរណៈយោគយល់គ្នារវាងក្រុមហ៊ុន SENSEREY GROUP និងក្រុមហ៊ុន KX GROUP» ត្រូវបានធ្វើឡើងកាលពីថ្ងៃទី៦ ខែមីនា ឆ្នាំ២០២០ មកនេះ ដើម្បីផ្តល់ភាពងាយស្រួលដល់ក្រុមហ៊ុនទាំងពីរក្នុងការធ្វើទំនាក់ទំនង និងឈ្វេងយល់ពីគ្នាឱ្យកាន់តែច្បាស់អំពីគុណភាពការងារកម្រិតស្តង់ដាអន្តរជាតិ លើគម្រោងសាងសង់ជាច្រើននៅក្នុងប្រទេសកម្ពុជា។
នៅក្នុងពិធីនោះ លោក លី សែនសេរី អគ្គនាយកក្រុមហ៊ុន សែនសេរី គ្រុប (SENSEREY GROUP) បានមានប្រសាសន៍ឱ្យដឹងថា ការចុះហត្ថលេខានេះ នឹងបង្កលក្ខណៈកាន់តែ ងាយស្រួលសម្រាប់ក្រុមហ៊ុនទាំងពីរក្នុងការធ្វើទំនាក់ទំនង និងឈ្វេងយល់ឱ្យកាន់តែ ច្បាស់អំពីគុណភាពការងារ កម្រិតស្តង់ដាអន្តរជាតិរបស់ក្រុមហ៊ុន ព្រមទាំងបង្ហាញពី សាមគ្គីភាព ភាពរីកចម្រើនការ អភិវឌ្ឍ និងជាភស្តុតាងបង្ហាញពីកំណើនសេដ្ឋកិច្ចលើវិស័យសំណង់របស់ប្រទេសទាំងពីរផងដែរ ។ ជាពិសេសផ្តល់ជូននូវទំនុកចិត្ត ភាពច្បាស់លាស់ បណ្តាញទំនាក់ទំនងធំទូលាយ រួមជាមួយនឹងសេវាកម្មយ៉ាងល្អប្រសើរ និងប្រណីត ជូនដល់ក្រុមហ៊ុនជាដៃគូសហការ និងអតិថិជន។
លោកបានឱ្យដឹងទៀតថា វិស័យសំណង់មានសុខុមាលភាពល្អនៅក្នុឆ្នាំ ២០១៩ និង ២០២០ នេះ ខណៈវិស័យអចលនទ្រព្យ និងសំណង់កម្ពុជា បានដើរតួនាទីជាចលករដ៏សំ ខាន់ក្នុងការជួយទ្រទ្រង់កំណើនសេដ្ឋកិច្ចជាតិ ។ ការរីកចម្រើនវិស័យអចលនទ្រព្យ គឺជា ការបង្ហាញនូវការជឿជាក់របស់អ្នកអភិវឌ្ឍអចលនវត្ថុ តាមរយៈការដាក់ចេញនូវគោល នយោបាយរបស់រាជរដ្ឋាភិបាល ។ ហើយស្របគ្នានេះដែរ ទុនវិនិយោគក្នុងវិស័យសំណង់ នៅក្នុងរយៈពេល ៩ ខែ ឆ្នាំ២០១៩ មកនេះបានកើនឡើងជាង ៣៤% ដោយវិស័យមួយ នេះ ក៏បានបង្កើតការងារជាច្រើនជូនប្រជាពលរដ្ឋជិត ១៥ ម៉ឺននាក់ក្នុង ១ ថ្ងៃ ។
លោកបញ្ជាក់ទៀតថា ការកើនឡើងនៃទំហំវិនិយោគទាំងនេះ គឺដោយសារតែគម្រោង សាងសង់ជាច្រើន រួមមានអគារពាណិជ្ជកម្មចម្រុះ សណ្ឋាគារ រមណីយដ្ឋាន គម្រោងសាង សង់ផ្សារទំនើប អគារការិយាល័យ សំណង់អគារស្នាក់នៅរួមខ្ពស់ៗ សំណង់លំនៅដ្ឋាន ជាលក្ខណៈបុរី សំណង់អគាររោងចក្រឧស្សាហកម្ម និងគម្រោងអភិវឌ្ឍន៍តំបន់សេដ្ឋកិច្ច ពិសេស ហើយក្រុមហ៊ុនចិនបានជាប់ចំណាត់ថ្នាក់ទី១ ក្នុងការបោះទុនវិនិយោគលើវិស័យ សំណង់កម្ពុជា ដែលមានទំហំទឹកប្រាក់ប្រមាណជាង ២.៨៦៥ លានដុល្លារអាមេរិក ។
នៅក្នុងពិធីចុះអនុស្សរណៈនេះដែរ លោក កៅ ជុន (Gao Jun) ប្រធានក្រុមហ៊ុន ខេអ៊ិច គ្រុប (KX GROUP) បានឱ្យដឹងដែរថា ក្រុមហ៊ុនបានបើកឱ្យដំណើរក្នុងកំឡុងឆ្នាំ ១៩៨០ ដោយទទួលម៉ៅការគម្រោងសាងសង់ជាច្រើនដូចជា ៖ អគារពាណិជ្ជកម្មចម្រុះ សណ្ឋាគារ រមណីយដ្ឋាន គម្រោងសាងសង់ផ្សារទំនើប និងសំណង់អគារស្នាក់នៅរួមខ្ពស់ៗជាច្រើន ផ្សេងទៀត ។
យោងតាមរបាយការណ៍របស់ក្រសួងដែនដី នគរូបនីយកម្ម និងសំណង់ បានឱ្យដឹងថា តម្លៃទំហំទុនវិនិយោគវិស័យសំណង់ទូទាំងប្រទេសនៅឆ្នាំ ២០១៩ មានតម្លៃសរុបប្រមាណ ជាង ៩,៣ ពាន់លានដុល្លារអាមេរិក ដោយបានកើនឡើងជាង ៧៨ ភាគរយ ធៀបនឹងរយៈ ពេលដូចគ្នាឆ្នាំ ២៩១៨ ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ