Juventus យកឈ្នះ Inter Milan ឡើងទៅឈរកំពូលតារាង ដោយគ្មានអ្នកទស្សនា (មានវីដេអូ)
ក្រុមសេះបង្កង់ Juventus បានយកឈ្នះលើក្រុម Inter Milan ដោយលទ្ធផល ២-០ ក្នុងកីឡដ្ឋាន Allianz ដើម្បីឡើងទៅឈរនៅលើកំពូលតារាងនៃក្របខ័ណ្ឌ…
ក្រុមសេះបង្កង់ Juventus បានយកឈ្នះលើក្រុម Inter Milan ដោយលទ្ធផល ២-០ ក្នុងកីឡដ្ឋាន Allianz ដើម្បីឡើងទៅឈរនៅលើកំពូលតារាងនៃក្របខ័ណ្ឌ Serie A ដែលជាជំនួបដ៏ធំ ប៉ុន្តែគ្មានអ្នកគាំទ្រចូលរួមទស្សនា (Closed Doors) ដោយសារតែការរីករាលដាលនៃវីរុស Covid-19 ។
ការប្រកួតដ៏ធំបំផុតមួយនៃរដូវកាលក្នុងលីគកំពូលអុីតាលី បានកើតឡើងដោយគ្មានអ្នកគាំទ្រឡើយ ដោយគ្រប់កីឡាទាំងអស់នៅប្រទេសអុីតាលី ត្រូវបានលេងដោយ Closed Doors រហូតដល់ថ្ងៃទី៣ ខែមេសា។ មនុស្សប្រមាណ ៣៦៦ នាក់នៅប្រទេសអុីតាលីបានស្លាប់ដោយសារជំងឺរលាកផ្លូវដង្ហើម បណ្តាលមកពីវីរុស Covid-19 ខណៈដែលអ្នកឆ្លងកើនឡើងជិត ៧.៥០០នាក់។
ងាកមកកាន់ការប្រកួតវិញ ខ្សែបម្រើ Aaron Ramsey និងខ្សែបម្រើប្រយុទ្ធ Paulo Dybala គឺជាអ្នកដែលរកគ្រាប់បាល់ក្នុងជំនួបនេះ និងជួយឱ្យក្រុម Juventus ដាច់១ពិន្ទុពីក្រុម Lazio ដែលនៅលេខ២ក្នុងកំពូលតារាងបណ្តោះអាសន្ន។
សូមបញ្ជាក់ថា ប្រជាជនរហូតដល់១៦លាននាក់នៅតំបន់ Lombardy ដែលក្នុងនោះរួមមានទីក្រុង Milan និងខេត្តចំនួន១៤ផ្សេងទៀត ត្រូវបានបិទការចេញ-ចូល ដើម្បីបន្តតាមដាន បន្ទាប់ពីតំបន់ទាំងនោះ ផ្ទុះការរីករាលដាលនៃវីរុស Covid-19 ខ្លាំងបំផុត ៕ (ប្រភព៖ BBC)
ចែករំលែកព័តមាននេះ