ប្រទេសមីយ៉ាន់ម៉ា ៖ កងទ័ពមីយ៉ាន់ម៉ារាយការណ៍ថា ថង់ហេរ៉ូអ៊ីន និងមេតំហ្វេតាមីនជាច្រើនរយថង់ ត្រូវចាប់រឹបអូសប្រមូលយកបាន នៅក្នុងតំបន់ត្រីកោណមាសដែលល្បីល្បាញ។ នោះជាការចាប់គ្រឿងញៀនដ៏ច្រើនបំផុត មានតម្លៃដល់ទៅ១០០លានដុល្លារ។ លោកឧត្ដមសេនីយ…
ប្រទេសមីយ៉ាន់ម៉ា ៖ កងទ័ពមីយ៉ាន់ម៉ារាយការណ៍ថា ថង់ហេរ៉ូអ៊ីន និងមេតំហ្វេតាមីនជាច្រើនរយថង់ ត្រូវចាប់រឹបអូសប្រមូលយកបាន នៅក្នុងតំបន់ត្រីកោណមាសដែលល្បីល្បាញ។ នោះជាការចាប់គ្រឿងញៀនដ៏ច្រើនបំផុត មានតម្លៃដល់ទៅ១០០លានដុល្លារ។
លោកឧត្ដមសេនីយ TUN TUN NYI អ្នកនាំពាក្យនៃការិយាល័យ អគ្គមេបញ្ជាការយោធាមីយ៉ាន់ម៉ា បានថ្លែងទៅកាន់សារព័ត៌មានកាលពីថ្ងៃទី៦ ខែមីនា ក្នុងតំបន់ត្រីកោណមាសនោះថា នេះជាការចាប់រឹបអូសយកបានគ្រឿងញៀងដ៏ច្រើនបំផុតប្រចាំឆ្នាំ។
ប្រតិបត្តិការចាប់គ្រឿងញៀនដ៏សំខាន់នេះ ក្នុងតំបន់ផលិតគ្រឿងញៀន បានបញ្ចប់សកម្មភាពខុសច្បាប់របស់មន្ទីរពិសោធន៍ផលិតគ្រឿងញៀងធំ៣នាសប្ដាហ៍នេះ ហើយអាចចាប់រឹបអូសយកបានគ្រឿងញៀនមេតំហ្វេតាមីនជាគ្រាប់ដល់៤៣លានគ្រាប់។ ឧត្ដមសេនីយរូបនោះបន្តថា កងទាហានរបស់យើងបានចូលក្នុងតំបន់នានា ក្នុងព្រៃជ្រៅដែលប៉ូលិសមិនអាចចូលទៅដល់៕ ដកស្រង់ចេញពីវេបសាយ yahoo (កែសម្រួលដោយ ៖ បុប្ផា) ប្រភពវីដេអូ ៖ Eagle News
ចែករំលែកព័តមាននេះ