កីឡាករ LeBron បដិសេធមិនប្រកួត ប្រសិនបើលេងគ្មានអ្នកគាំទ្រចូលរួមទស្សនា
កីឡាករបាល់បោះ LeBron James បាននិយាយថា គេនឹងបដិសេធមិនប្រកួត ប្រសិនបើការប្រកួតរបស់ក្រុមគេ Los Angeles Lakers ត្រូវរៀបចំការប្រកួតដោយគ្មានអ្នកទស្សនា…
កីឡាករបាល់បោះ LeBron James បាននិយាយថា គេនឹងបដិសេធមិនប្រកួត ប្រសិនបើការប្រកួតរបស់ក្រុមគេ Los Angeles Lakers ត្រូវរៀបចំការប្រកួតដោយគ្មានអ្នកទស្សនា (Closed Doors) ដោយសារការរីករាលដាលនៃជំងឺរលាកផ្លូវដង្ហើម បណ្តាលមកពីវីរុស Covid-19 ក្នុងសហរដ្ឋអាមេរិក។
កាលពីថ្ងៃសុក្រ NBA បានប្រកាសថា ក្រុមទាំងអស់ក្នុងក្របខ័ណ្ឌនេះ គួរតែចាប់ផ្តើមរៀបចំសម្រាប់ការប្រកួតដោយគ្មានអ្នកគាំទ្រចូលរួមទស្សនា ខណៈដែលគិតមកទល់ពេលនេះ ករណីឆ្លងនៅសហរដ្ឋអាមេរិកកើនជិត ៤៥០ករណី ស្របពេលដែលអ្នកបាត់បង់ជីវិតកើនឡើង១៩នាក់។
LeBron មិនសូវជាចាប់អារម្មណ៍ ទៅនឹងយោបល់ខាងលើនេះទេ ដោយបានប្រាប់អ្នកយកព័ត៌មានថា «ប្រកួតដោយគ្មានអ្នកគាំទ្រទេ គឺជាចម្លើយសាមញ្ញ។ ខ្ញុំមិនលេងទេ ប្រសិនបើយើងមិនមានអ្នកគាំទ្រចូលរួមទស្សនា លេងឱ្យនរណាមើល ។ ប្រសិនបើខ្ញុំបង្ហាញខ្លួននៅទីលានប្រកួត ហើយមិនមានអ្នកគាំទ្រនៅទីនោះ ខ្ញុំនឹងមិនលេងទេ»៕ (ប្រភពពី៖ Mirror)
ចែករំលែកព័តមាននេះ