សាងសង់ពន្ធនាគារខេត្តកំពង់ចាម ដើម្បីដាក់អ្នកទោសជាង៩០០នាក់
- កំពង់ចាម
ខេត្តកំពង់ចាម ៖ លោកអ៊ុន ចាន់ដា អភិបាលនៃគណៈអភិបាលខេត្ត និងលោកហេង វណ្ណនី អភិបាលរងខេត្តរួមនឹងសហការី កាលរសៀលថ្ងៃទី៦ មីនា…
ខេត្តកំពង់ចាម ៖ លោកអ៊ុន ចាន់ដា អភិបាលនៃគណៈអភិបាលខេត្ត និងលោកហេង វណ្ណនី អភិបាលរងខេត្តរួមនឹងសហការី កាលរសៀលថ្ងៃទី៦ មីនា…
ខេត្តកំពង់ចាម ៖ លោកអ៊ុន ចាន់ដា អភិបាលនៃគណៈអភិបាលខេត្ត និងលោកហេង វណ្ណនី អភិបាលរងខេត្តរួមនឹងសហការី កាលរសៀលថ្ងៃទី៦ មីនា ឆ្នាំ២០២០ បានអញ្ជើញចុះពិនិត្យការសាងសង់ពន្ធនាគារខេត្តដែលមានទីតាំងស្ថិតនៅភូមិផ្កាយព្រឹក ឃុំមៀន ស្រុកព្រៃឈរ ដើម្បីផ្ទេរអ្នកទោសពីពន្ធនាគារមកដាក់រួមគ្នាកំពង់ចាម-ត្បូងឃ្មុំ ស្ថិតនៅស្រុកត្បូងឃ្មុំ ខេត្តត្បូងឃ្មុំ មកកាន់ទីតាំងថ្មី ដោយសារតែទីនោះចង្អៀតណែនពេក។
លោកហ៊ុន ខី ប្រធានពន្ធនាគារខេត្តបានឱ្យភ្នាក់ងារកោះសន្តិភាពដឹងថា ដោយសារតែមើលឃើញពិរុទ្ធជននិងទណ្ឌិតនៅពន្ធនាគារខេត្តត្បូងឃ្មុំមានទីតាំងស្ថិតនៅឃុំជីរោទ៏ទី២ ស្រុកត្បូងឃ្មុំ អ្នកទោសមានការកើនឡើងនិងចង្អៀត ទើបត្រូវបានសម្ដេចក្រឡាហោម ស ខេង រដ្ឋមន្ត្រីក្រសួងមហាផ្ទៃ បានសម្រេចឲ្យសាងសង់ពន្ធនាគារថ្មីមួយទៀតស្ថិតនៅឃុំមៀន ស្រុកព្រៃឈរ ខេត្តកំពង់ចាម ជាកន្លែងថ្មីធំទូលាយ។
លោកប្រធានពន្ធនាគារខេត្តកំពង់ចាមបានបន្តទៀតថា សម្រាប់ផ្ទៃដីដែលត្រូវសាងសង់ ពន្ធនាគារថ្មីមានទំហំ៥ហិកតា ក្នុងនោះដំណាក់កាលទីមួយបានសាងសង់រួច១០០% រួមមានរបង កំផែង ខ្លោងទ្វារចំនួន៣ អគារឃុំ១ល្វែង មាន២ជាន់ ស្មើនឹង២៤បន្ទប់ ហើយដំណាក់កាលទី២ កំពុងតែបន្តការសាងសង់ ក្នុងនោះមានអគាររដ្ឋបាល រោងបាយ ប៉ុស្តិ៍សុខភាព អគារឃុំ រហូតមកដល់ពេលនេះសាងសង់បានប្រមាណជាជាង១០ភាគរយហើយ តាមគម្រោងនឹងរួចរាល់ចូលក្នុងឆ្នាំ២០២១។
មូលហេតុដែលត្រូវសាងសង់ពន្ធនាគារថ្មីនេះ ដោយសារតែពន្ធនាគារនៅក្នុងខេត្តត្បូងឃ្មុំ មានពិរុទ្ធជននិងទណ្ឌិតដាក់រួមគ្នារវាងខេត្តកំពង់ចាមនិងត្បូងឃ្មុំ ដោយសារតែចំនួនអ្នកទោសណែនពេក ទើបថ្នាក់លើសម្រេចសាងសង់ពន្ធនាគារថ្មីសម្រាប់ខេត្តកំពង់ចាមដែលស្ថិតនៅឃុំមៀន ស្រុកព្រៃឈរ ហើយអតីតពន្ធនាគារខេត្តកំពង់ចាមនឹងប្រគល់ឱ្យទៅខេត្តត្បូងឃ្មុំគ្រប់គ្រង។
នាពេលខាងមុខ ពន្ធនាគារដែលសាងសង់រួចរាល់នឹងផ្ទេរអ្នកទោសជាង៩០០នាក់ ក្នុងនោះស្ត្រីចំនួន៦០នាក់នៅក្នុងពន្ធនាគារខេត្តត្បូងឃ្មុំមកកាន់ពន្ធនាគារខេត្តកំពង់ចាម ដែលមានលក្ខណៈធំទូលាយ។
ក្នុងពេលអញ្ជើញចុះត្រួតពិនិត្យសំណង់អាគារផ្សេងៗ លោកអ៊ុន ចាន់ដា អភិបាលខេត្តកំពង់ចាម បានក្រើនរំលឹកដល់មេការសំណង់ធ្វើយ៉ាងណាយកចិត្តទុកដាក់ក្នុងការសាងសង់ឱ្យរួចរាល់តាមការគ្រោងទុក និងប្រកបដោយគុណភាព៕ (កែសម្រួលដោយ ៖ ធីតា)
ចែករំលែកព័តមាននេះ