អ្នកជំងឺ Covid19 ម្នាក់ ត្រូវជាប់ទោស ព្រោះតែដើរចម្លងគេ
សៀងហៃ ៖ តាមប្រភពព័ត៌មាន Shanghaiist បានឱ្យដឹងថា បុរសម្នាក់ត្រកូល Li បានលាក់មិនឱ្យនរណាម្នាក់ដឹងថា ខ្លួនទើបតែមកពី Wuhan…
សៀងហៃ ៖ តាមប្រភពព័ត៌មាន Shanghaiist បានឱ្យដឹងថា បុរសម្នាក់ត្រកូល Li បានលាក់មិនឱ្យនរណាម្នាក់ដឹងថា ខ្លួនទើបតែមកពី Wuhan ហើយដើរចម្លងមនុស្សមិនរើសមុខតាមមធ្យោបាយធ្វើដំណើរសាធារណៈ ត្រូវបានជាប់ទោស។
ជាការពិតណាស់ គាត់ត្រូវបានគេធ្វើតេស្តឃើញថា មានជំងឺ Covid19។ នៅពេលនេះ គាត់គឺមានស្ថានភាពបានធូរស្រាលមកវិញហើយ តែក៏ដល់ពេលត្រូវប៉ូលិសចាត់ការរឿងដើរចម្លងគេដែរ។
គាត់បានទំនាក់ទំនងជិតស្និទ្ធជាមួយនឹងមនុស្សចំនួន ៥៥នាក់ ព្រមទាំងក្រុមគ្រូពេទ្យ១១នាក់ផងដែរ នៅក្នុងមន្ទីរពេទ្យមូលដ្ឋានមួយ។ ករណីរបស់គាត់ គឺជាករណីដំបូងបង្អស់នៅក្នុងទីក្រុងសៀងហៃ ដែលអ្នកជំងឺកូរ៉ូណា ត្រូវបានជាប់ទោស។
កាលពីដើមសប្តាហ៍នេះ ជនលក់ម៉ាស់ឡើងថ្លៃម្នាក់ត្រូវបានប៉ូលិសចាប់ខ្លួន ហើយឱ្យជាប់ពន្ធនាគារចំនួន៦ឆ្នាំកន្លះ។ នេះក៏ដោយសារតែគេចង់បានលុយ ១.៦លានយន់ (ជាង២០ម៉ឺនដុល្លារ) ពីស្ត្រីម្នាក់ដែលចង់ទិញម៉ាស់យកទៅចែកអ្នកអត់មានម៉ាស់ប្រើ។
ទន្ទឹមនឹងនេះដែរ ក្រុងសៀងហៃ បានចេញច្បាប់ថា អ្នកទាំងឡាយណា ដែលមិនគោរពច្បាប់ក្នុងមណ្ឌលដាក់ដោយឡែក ឬលាក់បាំងជំងឺកូរ៉ូណា ឬលាក់បាំងប្រវត្តិទៅលេងនៅ Hubei ឬ ប៉ះពាល់អ្នកជំងឺ នឹងត្រូវបានគេដាក់នៅក្នុងបញ្ជីខ្មៅ៕ ដកស្រង់ចេញពីវេបសាយ ៖ shanghai (កែសម្រួលដោយ ៖ បុប្ផា)
ចែករំលែកព័តមាននេះ