អត្ថបទនេះមិនត្រឹមតែសម្រាប់អ្នកដែលទើបតែបញ្ចប់ការសិក្សា ឬកំពុងបន្តការសិក្សា និងចាប់ផ្តើមការងារដំបូងរបស់ពួកគេទេ តែវាក៏សម្រាប់អ្នកដែលបានប្តូរការងារទៅកន្លែងថ្មីផងដែរ ។ ថ្ងៃទីមួយនៅស្ថាប័នការងារថ្មីជាថ្ងៃដ៏សំខាន់បំផុត ព្រោះវាជាឱកាសដំបូងក្នុងការបង្កើតរូបភាពដ៏ល្អមួយសម្រាប់អ្នក ។ ប្រសិនបើអ្នកដទៃមើលមកអ្នកក្នុងផ្លូវល្អទាំងពីថ្ងៃដំបូងហើយ អ្នកមិនមានឧបសគ្គច្រើនក្នុងការលេចធ្លោ…
អត្ថបទនេះមិនត្រឹមតែសម្រាប់អ្នកដែលទើបតែបញ្ចប់ការសិក្សា ឬកំពុងបន្តការសិក្សា និងចាប់ផ្តើមការងារដំបូងរបស់ពួកគេទេ តែវាក៏សម្រាប់អ្នកដែលបានប្តូរការងារទៅកន្លែងថ្មីផងដែរ ។ ថ្ងៃទីមួយនៅស្ថាប័នការងារថ្មីជាថ្ងៃដ៏សំខាន់បំផុត ព្រោះវាជាឱកាសដំបូងក្នុងការបង្កើតរូបភាពដ៏ល្អមួយសម្រាប់អ្នក ។ ប្រសិនបើអ្នកដទៃមើលមកអ្នកក្នុងផ្លូវល្អទាំងពីថ្ងៃដំបូងហើយ អ្នកមិនមានឧបសគ្គច្រើនក្នុងការលេចធ្លោ និងជោគជ័យក្នុងការងារនៅថ្ងៃមុខប៉ុន្មានទេ ។ ខាងក្រោម គឺជាគន្លឹះមួយចំនួនដែលធ្វើឲ្យអ្នកដទៃមើលមកអ្នកក្នុងផ្លូវល្អនៅថ្ងៃទីមួយនៃការងារថ្មី ៖
១. រៀបចំសម្លៀកបំពាក់ឲ្យបានស្អាតបាត
បើអ្នកចង់ជោគជ័យក្នុងការងារ អ្នកគួរតែរៀបចំសម្លៀកបំពាក់ឲ្យដូចមនុស្សដែលជោគជ័យក្នុងការងាររបស់ពួកគេ។ បើអ្នកមិនដឹងពីសម្លៀកបំពាក់ដែលបុគ្គលិកដទៃស្លៀកនៅកន្លែងធ្វើការថ្មីទេនោះ អ្នកអាចជ្រើសរើសសម្លៀកបំពាក់បែប Smart Casual ដែលសាកសមនឹងការងារក្នុងការិយាល័យបាន។
២. កុំទាន់យកអាហារថ្ងៃត្រង់ពីផ្ទះទៅ
ការយកអាហារថ្ងៃត្រង់ពីផ្ទះទៅកន្លែងធ្វើការជាវិធីសាស្ត្រដ៏មានប្រសិទ្ធិភាពមួយប្រសិនបើអ្នកចង់សន្សំថវិកា ប៉ុន្តែវាមិនមែនជាជម្រើសល្អសម្រាប់ថ្ងៃដំបូងទេ។ ផ្ទុយមកវិញ អ្នកគួរតែទុកថ្ងៃតំបូងសម្រាប់ការយល់ដឹងពីមិត្តរួមការងារដទៃថាពួកគេទទួលទានអាហារថ្ងៃត្រង់ដោយបែបណា។ ណាមួយមិញ ពេលខ្លះខាងស្ថាប័នថ្មីមិនទាន់បានរៀបចំតុឬការិយាល័យសម្រាប់អ្នកទេដូច្នេះបើអ្នកយកអាហារថ្ងៃត្រង់ទៅវាអាចបង្កជាបញ្ហាដល់អ្នកទៅវិញ។
៣. ចងចាំថាស្ថាប័នការងារអ្នកក៏ត្រូវការអ្នកដែរ
វាមិនមានអ្វីចម្លែកទេដែលមនុស្សភ័យខ្លាចឬបារម្ភច្រើនពេលដែលចូលធ្វើការក្នុងកន្លែងថ្មីមួយ តែអ្នកគួរតែឧស្សាហ៍រំលឹកខ្លួនថា ស្ថាប័នអ្នកជ្រើសរើសអ្នកព្រោៈពួកគេជឿទុកចិត្តអ្នក ហើយពួកគេក៏ត្រូវការអ្នកដែរ។
៤. ស្តាប់អ្នកដទៃតែកុំជឿជាក់ពួកគេទាំងស្រុង
មិត្តរួមការងារដែលណែនាំអ្នកនៅកន្លែងការងារថ្មីអាចនឹងបង្រៀនអ្នកនូវរបៀបរបបជាច្រើនក្នុងស្ថាប័នថ្មី តែពេលខ្លះពួកគេក៏លួចបញ្ចូលប្រាប់អ្នកពីទស្សនៈរបស់ពួកគេពីអ្វីមួយដែរដូចជាចៅហ្វាយអ្នក ឬស្ថាប័នអ្នកទាំងមូលជាដើម។ អ្នកអាចស្តាប់ពួកគេបានតែកុំជឿជាក់តាមសម្តីពួកគេទាំងស្រុង។ ផ្ទុយមកវិញ អ្នកគួរទុកឱកាសឲ្យខ្លួនឯងមើលឃើញឲ្យបានជាក់ស្តែងជាមុនសិន ៕ កែសម្រួលដោយ ៖ សុឃាក់
ចែករំលែកព័តមាននេះ