ប្រទេសអ៊ីរ៉ាក់ ៖ ក្រោយការប្រកាសពីមនុស្សបាត់បង់ជីវិតដំបូង៣នាក់ដោយសារវីរុសCOVID-19នៅ អ៊ីរ៉ាក់ ក្រុងបាដាដបានប្រកាសនាថ្ងៃទី៥មីនា ពីការបិទបណ្ដាសាលារៀន ដោយឲ្យរៀនតាមអនឡាញ ហើយផ្អាកការធ្វើពាណិជ្ជកម្មជាមួយប្រទេសអ៊ីរ៉ង់ជិតខាង ខណៈប្រទេសនេះកំពុងមានការឆ្លងរាលដាលកាន់តែខ្លាំងនៃវីរុសនេះ។
ក្រសួងសុខាភិបាល អ៊ីរ៉ាក់ អះអាងថា ជំរឿនឃើញអ្នកឆ្លង៣៥នាក់ ដែលអ្នកទាំងនោះស្ទើរទាំងអស់ទើបវិលត្រឡប់មកពីអ៊ីរ៉ង់ ជាប្រភពនៃការចម្លងសំខាន់នៃជំងឺបន្ទាប់ពីចិន។ នៅ អ៊ីរ៉ាក់ សាលារៀន សាកលវិទ្យាល័យ រោងភាពយន្តនិងទីតាំងសាធារណៈឯទៀតៗត្រូវបានបិទជាផ្លូវការ ចាប់តាំងពី១សប្ដាហ៍មកហើយ ក៏ទោះបីភោជនីយដ្ឋាន មជ្ឈមណ្ឌលពាណិជ្ជកម្មនិងហាងកាហ្វេជាច្រើននៅបើកទ្វារនិងមានមនុស្សចេញចូលច្រើននៅឡើយ។
អ៊ីរ៉ាក់ ក៏លុបចោលដែរពិធីសូត្រធម៌រៀងរាល់ថ្ងៃសុក្រដោយខ្លាចការចម្លង ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ