រាជធានីភ្នំពេញ ៖ រដ្ឋសភានឹងបើកសម័យប្រជុំវិសាមញពិនិត្យ និងអនុម័តសេចក្តីព្រាងច្បាប់ស្តីពីការអនុម័តយល់ព្រមលើពិធីសារទី១ ធ្វើវិសោធនកម្មកិច្ចព្រមព្រៀងស្តីពីពាណិជ្ជកម្មទំនិញអាស៊ាន នៅថ្ងៃទី១៣ ខែមីនា ឆ្នាំ២០២០ខាងមុខនេះ ។ ថ្លែងក្នុងកិច្ចប្រជុំរវាងគណៈកម្មការជំនាញរដ្ឋសភានៅរសៀល ថ្ងៃរសៀលថ្ងៃទី៦ ខែមីនាឆ្នាំ២០២០ នៅវិមានរដ្ឋសភាជាមួយតំណាងរាជរដ្ឋាភិបាលដឹកនាំដោយលោកបណ្ឌិតសភា ចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ។
ដើម្បីពិនិត្យលើសេចក្តីព្រាងច្បាប់ស្តីពីការអនុម័តយល់ព្រមលើពិធីសារទី១ធ្វើវិសោធនកម្មកិច្ចព្រមព្រៀងស្តីពីពាណិជ្ជកម្មទំនិញអាស៊ានលោកបណ្ឌិត រដ្ឋ ជាម យៀប បានឲ្យដឹងថា រដ្ឋសភានឹងបើកសម័យប្រជុំវិសាមញ្ញនៅថ្ងៃទី១៣ ខែមីនាខាងមុខនេះ ។ លោកបន្តថា សេចក្តីព្រាងច្បាប់ស្តីពីការអនុម័តយល់ព្រមលើពិធីសារទី១ធ្វើវិសោធនកម្មកិច្ចព្រមព្រៀងស្តីពីពាណិជ្ជកម្មទំនិញអាស៊ាន គឺក្នុងគោលបំណងបើកផ្លូវប្រទេសសមាជិកអាស៊ានមានមូលដ្ឋានកិតិយុត្តក្នុងការអនុវត្តនូវស្វ័យបញ្ចាក់ដើមកំណើតទូទាំងអាស៊ាន (ASEAN Wide Self – Certification– AWSC ) សំដៅរួមចំណែកក្នុងការលើកកម្ពស់កិច្ចសម្រួលពាណិជ្ជកម្ម និងបង្កលក្ខណៈងាយស្រួលបន្ថែមទៀតដល់ពាណិជ្ជករ និងវិនិយោគគិនពិសេសសហគ្រាសធុនតូច និងមធ្យមតាមរយៈការធ្វើសាមញ្ញកម្មលើនីតិវិធីនៃការបញ្ជាក់ដើមកំណើតដែលកត្តានេះនឹងរួមចំណែកជំរុញពាណិជ្ជកម្មតាមតំបន់អាស៊ាន តាមរយៈការបង្កើនការប្រើប្រាស់កិច្ចព្រមព្រៀងស្តីពីពាណិជ្ជកម្មទំនិញអាស៊ាន ស្របតាមផែនការមេសហគមន៍សេដ្ឋកិច្ចអាស៊ាន ឆ្នាំ២០២៥ ។
លោកកិត្តិសេដ្ឋាបណ្ឌិត ជាម យៀបប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភាបានលើកឡើងថា សេចក្តីពៀងច្បាប់នឹងមានជាការប្រញាប់ ។ លោកបន្តថា សមាជិកអាស៊ានទាំងអស់បានឯកភាពចាប់ផ្តើមអនុវត្តជាផ្លូវការ AWSC ក្នុងតំបន់អាស៊ានចាប់ខែមីនា ឆ្នាំ២០២០ បន្ទាប់ពីការផ្តល់សច្ចាប័នលើពិធីសារនេះត្រូវបានបំពេញរួចរាល់ដោយសមាជិកអាស៊ានទាំងអស់ ។
ជាមួយគ្នានោះដែរ លោកបានលើកឡើងថា សេចក្តីព្រាងច្បាប់នេះមិនមានការពិបាកនោះទេ ព្រោះជាការផ្តល់សច្ចាប័នតែប៉ុណ្ណោះ ។ សេចក្តីព្រាងច្បាប់នេះត្រូវបានគណៈកម្មាធិការអចិន្ត្រៃយ៍រដ្ឋសភាបានបើកកិច្ចប្រជុំ ដោយបានសម្រេចបញ្ជូនមកគណៈជំនាញដោយគ្មានការកែប្រែខ្លឹមសារដែលរាជរដ្ឋាភិបាលតាក់តែងនោះទេ ។ លោកបន្ថែមថា សេចក្តីព្រៀងច្បាប់នេះត្រូវបានធ្វើវិសោនកម្មមាន២មាត្រាប៉ុណ្ណោះ ។
ចំណែកលោក ស្រី នឹន សាផុន គណៈកម្មការសាធារណការដឹកជញ្ជូនទូរគមនាគមន៍ប្រៃសណីយឧស្សាហកម្ម រ៉ែ ថាមពល ពាណិជ្ជកម្ម រៀបចំដែនដីនគរូបនីយកម្ម និងសំណង់នៃរដ្ឋសភាបានលើកឡើងថា សេចក្តីព្រាងច្បាប់នេះពិតជាមានសារៈសំខាន់សម្រាប់កម្ពុជាដូចជា បានអនុញ្ញាតសហគ្រាសធុនតូច និងធម្យមក្នុងការនាំផលិតផងទៅកាន់ទីផ្សារអាស៊ាន និងសារៈអត្ថប្រយោជាន៍ជាច្រើនទៀត ៕
ចែករំលែកព័តមាននេះ