ការចាយវាយខ្ចះខ្ជាយ ឬមិនខ្ជះខ្ជាយរបស់មនុស្ស គឺអាស្រ័យលើអ្វីដែលពួកគេយកលុយទៅប្តូរថាតើពួកគេកំពុងតែវិនិយោគលុយលើអ្វីដែលនឹងឡើងថ្លៃនៅថ្ងៃអនាគត ឬពួកគេកំពុងតែយកលុយទៅប្តូរយកអ្វីដែលនឹងបាត់បង់តម្លៃបន្ទាប់ពីពួកគេទិញវាភ្លាម ? ខាងក្រោម គឺជាឧទាហរណ៍មួយចំនួននៃរបស់ដែលចាប់បាត់បង់តម្លៃភ្លាមបន្ទាប់ពីអ្នកទិញ ៖ ១. រថយន្តថ្មី…
ការចាយវាយខ្ចះខ្ជាយ ឬមិនខ្ជះខ្ជាយរបស់មនុស្ស គឺអាស្រ័យលើអ្វីដែលពួកគេយកលុយទៅប្តូរថាតើពួកគេកំពុងតែវិនិយោគលុយលើអ្វីដែលនឹងឡើងថ្លៃនៅថ្ងៃអនាគត ឬពួកគេកំពុងតែយកលុយទៅប្តូរយកអ្វីដែលនឹងបាត់បង់តម្លៃបន្ទាប់ពីពួកគេទិញវាភ្លាម ? ខាងក្រោម គឺជាឧទាហរណ៍មួយចំនួននៃរបស់ដែលចាប់បាត់បង់តម្លៃភ្លាមបន្ទាប់ពីអ្នកទិញ ៖
១. រថយន្តថ្មី
អ្នកប្រហែលជាធ្លាប់លឺមកហើយថា រថយន្តថ្មីជាអ្វីដែលមានតែអ្នកមានទ្រព្យសម្បត្តិស្តុកស្តម្ភទេដែលពិចារណាទិញ ។ មូលហេតុ គឺមកពីវាឆាប់បាត់បង់តម្លៃណាស់ ។ ជាទូទៅរថយន្តថ្មីៗបាត់បង់តម្លៃប្រមាណ៣៥% ទៅ៤០%ឯណោះ ពេលដែលអ្នកទិញចង់លក់វាបន្ត ។ ប្រសិនបើអ្នកចង់ទិញរថយន្តអ្នកគួរតែពិចារណាលើរថយន្តជជុសវិញ ។
២. គ្រឿងអេឡិចត្រូណិច
វាជាគំនិតល្អក្នុងការទិញគ្រឿងអេឡិចត្រូណិចសម្រាប់ប្រើប្រាស់ក្នុងផ្ទះដែលមានគុណភាពល្អព្រោះវាអនុញ្ញាតឲ្យអ្នកប្រើវាបានយូរ ។ ប៉ុន្តែអ្នកមិនគួរគិតថា ខ្លួនអាចចំណេញបានពីការទិញហើយលក់គ្រឿងទាំងនេះឡើយ ។ ឧទាហរណ៍ដូចជា ទូរទឹកកកជាដើមស្ទើរតែមិនមានមនុស្សដែលចាប់អារម្មណ៍ក្នុងការទិញទូរទឹកកកតពីអ្នកទេ លុះត្រាតែអ្នកលក់វាក្នុងតម្លៃទាបជាងលើទីផ្សារយ៉ាងខ្លាំង ។
៣. អាហារ
ម្ហូបអាហារដែលអ្នកបានទិញមកផ្ទះហើយជារបស់អ្នកហើយ ។ អ្នកមិនគួរសង្ឃឹមថា នឹងមាននរណាម្នាក់ដែលចាប់អារម្មណ៍នឹងទិញតពីអ្នក លុះត្រាតែវាជាទំនិញពិសេសដែលមិនមានច្រើនលើទីផ្សារ ។ ដោយហេតុដូចនេះទើបវាសំខាន់ណាស់ក្នុងការពិចារណាឲ្យបានច្បាស់លាស់មុនពេលទិញម្ហូបទុកក្នុងទូរទឹកកក ព្រោះប្រសិនបើអ្នកមិនអាចលក់ ឬទទួលទានវាអស់មុនពេលវាខូចទេ អ្នកនឹងខាតបង់ ។
៤. សម្លៀកបំពាក់
សម្លៀកបំពាក់ភាគច្រើន លើកលែងតែរបស់ដែលចំនួនមានកំណត់លើទីផ្សារនឹងបាត់បង់តម្លៃបន្ទាប់ពីអ្នកដើរចេញពីហាងលក់ទោះជាអ្នកមិនទាន់បានពាក់វាក៏ដោយ ។ ជាក់ស្តែងវាជាទំនិញដែលមនុស្សត្រូវការសម្រាប់ការរបស់នៅប្រចាំថ្ងៃ តែវាក៏មានច្រើនលើសលប់លើទីផ្សារដែរ ដូច្នេះមនុស្សសុខចិត្តទិញថ្មីពីអ្នកលក់ច្រើនជាងទិញតពីអ្នក ៕ កែសម្រួលដោយ ៖ សុឃាក់
ចែករំលែកព័តមាននេះ