ចិន ៖ តាមប្រភពព័ត៌មាន Shanghaiist បានឱ្យដឹងថា នៅក្នុងសន្និសីទកាសែតមួយកាលពីថ្ងៃព្រហស្បតិ៍ មជ្ឈមណ្ឌលគ្រប់គ្រង និងបង្ការជំងឺ (CDC) ទីក្រុងប៉េកាំង បាននិយាយថា ខណៈពេលដែលភោជនីយដ្ឋានជាច្រើនបានចាប់ផ្តើមបើកដំណើរការឡើងវិញនៅក្នុងទីក្រុងរដ្ឋធានីរបស់ប្រទេសចិន អ្វីៗមិនទាន់វិលត្រឡប់ទៅរករបៀបដែលពួកគេធ្លាប់មាននោះទេ។
មន្ត្រី CDC បានរៀបរាប់ពីវិធានការណ៍ ដែលអតិថិជន និងភោជនីយដ្ឋានត្រូវតែអនុវត្ត ដើម្បីធានាថា ការផ្ទុះឡើងនៃមេរោគឆ្លងបន្តថយចុះនៅក្នុងប្រទេសចិន។ គេបាននិយាយថា អ្នកញ៉ាំអាហារគួរតែពាក់របាំងមុខ ហើយមិនត្រូវចេញទៅបរិភោគ ប្រសិនបើពួកគេមានរោគសញ្ញាមេរោគណាមួយ។ ទំនាក់ទំនងសង្គម គួរតែត្រូវបានរក្សាទុកក្នុងកម្រិតអប្បបរមា ហើយអតិថិជនគួរតែផ្តោតលើការញ៉ាំអាហារ និងញ៉ាំឱ្យបានលឿនតាមដែលអាចធ្វើទៅបាន។
ដើម្បីជួយក្នុងកិច្ចខិតខំប្រឹងប្រែងនេះ ភោជនីយដ្ឋាននៅទីក្រុងប៉េកាំង បានប្រាប់ឱ្យគោរពតាមគោលការណ៍ «មួយតុសំរាប់មនុស្សម្នាក់»។
គោលនយោបាយនេះ បានបង្កភាពច្របូកច្របល់តាមអ៊ីនធើរណេត ដោយគេឆ្ងល់ថា ចុះបើទៅញ៉ាំជាលក្ខណៈគ្រួសារ តើត្រូវអង្គុយបែកគ្នាមែនទេ? តែនេះ គឺប្រសើរជាងការបិទភោជនីយដ្ឋានដែរ៕ ដកស្រង់ចេញពីវេបសាយ ៖ shanghai (កែសម្រួលដោយ ៖ បុប្ផា)
ចែករំលែកព័តមាននេះ