រាជធានីភ្នំពេញ ៖ លោក កឹម សុខា អតីតប្រធានគណបក្សសង្គ្រោះជាតិបានអំពាវនាវដល់ប្រជាពលរដ្ឋ គ្រប់និន្នាការនយោបាយចូលរួមទប់ស្កាត់ជំងឺកូវីដ១៩ ដោយកុំធ្វើការវាយប្រហារគ្នាដោយអសីលធម៌ ។ លោក…
រាជធានីភ្នំពេញ ៖ លោក កឹម សុខា អតីតប្រធានគណបក្សសង្គ្រោះជាតិបានអំពាវនាវដល់ប្រជាពលរដ្ឋ គ្រប់និន្នាការនយោបាយចូលរួមទប់ស្កាត់ជំងឺកូវីដ១៩ ដោយកុំធ្វើការវាយប្រហារគ្នាដោយអសីលធម៌ ។ លោក កឹម សុខា បានសរសេរលើបណ្តាញសង្គម នៅថ្ងៃទី៦ ខែមីនា យ៉ាងដូច្នេះថា ពេលនេះពិភពលោកកំពុងតែប្រឈមនឹងការរីករាលដាលនៃជំងឺCovid-19 ដែលមិនត្រឹមតែប៉ះពាល់ដល់សុខភាព និងអាយុជីវិតមនុស្សលោកនោះទេ លើសពីនេះទៅទៀតវាអាចនាំឲ្យប៉ះពាល់ដល់សេដ្ឋកិច្ចរបស់ប្រទេស និងជីវភាពរស់នៅរបស់មនុស្សជាច្រើនទៀតផង ក្នុងនោះក៏មានប្រទេសកម្ពុជា និងប្រជាពលរដ្ឋខ្មែរយើងផងដែរ ។
លោកបញ្ជាក់ថា ៖«ខ្ញុំយល់ឃើញថា ក្នុងកាលៈទេសៈនេះយើងជាខ្មែរត្រូវរួបរួមគ្នា ដើម្បីទប់ស្កាត់បញ្ហាប្រឈម ទាំងពីរខាងលើ (ជំងឺ និងសេដ្ឋកិច្ច) ដែលប៉ះពាល់ដល់ប្រទេសជាតិ និងប្រជាពលរដ្ឋយើងដោយកុំប្រកាន់និន្នាការនយោបាយ កុំប្រើប្រាស់បញ្ហានេះបំផ្លើសបំភ្លៃ ដើម្បីកេងចំណេញ នយោបាយវាយប្រហារគ្នាដោយអសីលធម៌» ។ លោកគូសបញ្ជាក់ថា ៖« ខ្ញុំសូមគាំទ្រចំពោះកម្ពុជាយើងដែលពេលនេះផ្តល់អាទិភាព ដើម្បីរួមគ្នាប្រយុទ្ឋប្រឆាំងជំងឺ Covid-19 និងសូមលើកទឹកចិត្តដល់សមត្ថកិច្ចជំនាញបំពេញបេសកកម្មបានជោគជ័យជូន ជាតិ និងប្រជាពលរដ្ឋខ្មែរ ។
ជាពិសេស ខ្ញុំសូមអំពាវនាវដល់ប្រជាពលរដ្ឋខ្មែរទាំងអស់គ្នា សូមថែរក្សាអនាម័យ ការពារខ្លួនឲ្យបានខ្ជាប់ខ្ជួន ដោយប្រុងប្រយត្ន័ទប់ស្កាត់នូវជំងឺរាតត្បាតនេះ ។ ជាមួយគ្នានេះដែរ ខ្ញុំសូមបួងសួងដល់គុណបុណ្យព្រះរតនត្រៃ បារមីវត្ថុសក្កិសិ សូមឲ្យប្រជាពលរដ្ឋខ្មែរមានសុខភាពល្អជាពិសេសចៀសផុតពីជំងឺ Covid-19 និងសូមឲ្យមានជីវភាពរស់នៅប្រសើរឡើង កុំឲ្យជួបប្រទះនូវវិបត្តិសេដ្ឋកិច្ចឲ្យសោះ ។
សូមជម្រាបការលើកឡើងរបស់លោក កឹម សុខា បន្ទាប់ពីប្រមុខរាជរដ្ឋាភិបាលបានកំពុងដាក់វិធានការណ៍ទប់ស្កាត់ជំងឺកូវីដ១៩ នេះ និងស្នើឲ្យពលរដ្ឋមានអានាម័យដើម្បចៀសឆ្លងជំងឺនេះ ។ ប៉ុន្តែយ៉ាងរហូតមកដល់ពេលនេះក្រសួងសុខភិបាលបានអះអាងមិនទាន់មានប្រជាពលរដ្ឋកម្ពុជាឆ្លងជំងឺកូវីដ១៩នេះទេ ៕
ចែករំលែកព័តមាននេះ