ប្រភពមួយបានប្រាប់សារព័ត៌មានAFP កាលពីថ្ងៃពុធថា ក្រុមភ្ញៀវទេសចរអុីតាលីមួយក្រុម ត្រូវបានដាក់ឱ្យនៅដាច់ពីគេនៅក្នុងប្រទេសឥណ្ឌាដោយមាន១៧នាក់ ធ្វើតេស្តវិជ្ជមានចំពោះវីរុសកូរ៉ូណាថ្មី។ ប្រទេសអុីតាលី គឺជាចំណុចក្តៅនៃវីរុស ដែលមានគ្រោះថ្នាក់ដោយមានមនុស្សស្លាប់៧៩នាក់ និងមានអ្នកឆ្លងជាង២៥០០នាក់ ខណៈករណីផ្លូវការរបស់ប្រទេសឥណ្ឌាមានត្រឹមតែ២១ប៉ុណ្ណោះ។…
ប្រភពមួយបានប្រាប់សារព័ត៌មានAFP កាលពីថ្ងៃពុធថា ក្រុមភ្ញៀវទេសចរអុីតាលីមួយក្រុម ត្រូវបានដាក់ឱ្យនៅដាច់ពីគេនៅក្នុងប្រទេសឥណ្ឌាដោយមាន១៧នាក់ ធ្វើតេស្តវិជ្ជមានចំពោះវីរុសកូរ៉ូណាថ្មី។
ប្រទេសអុីតាលី គឺជាចំណុចក្តៅនៃវីរុស ដែលមានគ្រោះថ្នាក់ដោយមានមនុស្សស្លាប់៧៩នាក់ និងមានអ្នកឆ្លងជាង២៥០០នាក់ ខណៈករណីផ្លូវការរបស់ប្រទេសឥណ្ឌាមានត្រឹមតែ២១ប៉ុណ្ណោះ។
បន្ទាប់ពីភ្ញៀវពីរនាក់ក្នុងចំណោមក្រុមភ្ញៀវ២៣នាក់ ដែលបានមកដល់ប្រទេស កាលពីខែមុនបានធ្វើតេស្តវិជ្ជមាននៅភាគខាងលិចរដ្ឋ Rajasthan និងអ្នកទេសចរ២១នាក់ផ្សេងទៀត ត្រូវបានគេដាក់ឱ្យនៅដាច់ដោយឡែកពីគេ នៅក្នុងមណ្ឌលពិសេសមួយក្នុងទីក្រុង New Delhi កាលពីថ្ងៃអង្គារ។
ប្រភពបាននិយាយក្នុងលក្ខខណ្ឌមិនបញ្ចេញឈ្មោះថា ក្នុងចំណោមភ្ញៀវទេសចរ២១នាក់ មាន១៥នាក់ ត្រូវបានគេធ្វើតេស្តរកឃើញវីរុសនេះ គេកំពុងរង់ចាំលទ្ធផលតេស្តរបស់អ្នកដទៃ ។
នៅទូទាំងពិភពលោក មានមនុស្សប្រមាណ៣២០០នាក់ បានស្លាប់ដោយសារវីរុសនេះ ជាមួយនឹងការឆ្លងជាង៩ម៉ឺននាក់ ដោយប្រទេសចិន កូរ៉េខាងត្បូងអុីតាលី អ៊ីរ៉ង់ និងជប៉ុនរងផលប៉ះពាល់ខ្លាំងបំផុត ។ ឥលូវនេះ ប្រទេសឥណ្ឌាបានបង្កើនវិធានការការពារ រួមមានការរារាំងភ្ញៀវ មកពីប្រទេសអុីតាលី អុីរ៉ង់ កូរ៉េខាងត្បូង និងជប៉ុនលើកលែងតែអ្នកការទូត និងមន្ត្រីមកពីស្ថាប័នអន្តរជាតិ ៕
ចែករំលែកព័តមាននេះ