ក្របខ័ណ្ឌ Premier League បានដាក់សេចក្តីជូនដណឹងទៅកាន់ក្លឹបទាំង២០ របស់ពួកគេ ជាមួយនឹងគោលការណ៍ណែនាំចុងក្រោយ ស្តីពីការដោះស្រាយបញ្ហាទាក់ទិនទៅនឹងវីរុសឆ្លង Covid-19 នេះបើតាមការចុះផ្សាយពី Dailymail…
ក្របខ័ណ្ឌ Premier League បានដាក់សេចក្តីជូនដណឹងទៅកាន់ក្លឹបទាំង២០ របស់ពួកគេ ជាមួយនឹងគោលការណ៍ណែនាំចុងក្រោយ ស្តីពីការដោះស្រាយបញ្ហាទាក់ទិនទៅនឹងវីរុសឆ្លង Covid-19 នេះបើតាមការចុះផ្សាយពី Dailymail ។
ប្រធានក្របខ័ណ្ឌ Premier League បានធ្វើការទាក់ទងជារៀងរាល់ថ្ងៃជាមួយអ្នកជំនាញសុខភាព រួមទាំងរបស់រដ្ឋាភិបាលប្រទេសអង់គ្លេស ។ ដោយក្នុងនោះបានបញ្ជាក់ថា ការប្រកួតនៅ Premier League និងពេលវេលាប្រកួតមិនមានការប្រែប្រួលនោះទេ មិនដូចនៅប្រទេសអុីតាលី ដែលការប្រកួតត្រូវបានពន្យារពេល ឬលេងដោយគ្មានអ្នកទស្សនា (Closed Doors)។
ខណៈដែលការប្រកួតដំណើរការជាធម្មតា ប៉ុន្តែសេចក្តីជូនដំណឹងសម្រាប់ក្លិបទាំង២០ ត្រូវបានណែនាំឱ្យមានការប្រុងប្រយ័ត្នខ្ពស់ ជាពិសេសគឺអនាម័យនៅឯកីឡដ្ឋានរបស់ពួកគេ រួមទាំងការរឹតបន្តឹងសុវត្ថិភាពជាច្រើនទៀត នៅកន្លែងហ្វឹកហាត់ ដើម្បីការពារកីឡាករ, មន្ត្រី, បុគ្គលិក និងអ្នកគាំទ្រ។ ខណៈដែលបើយោងតាមរបាយការណ៍បានឱ្យដឹងថា ក្លិប Wolverhampton បានដាក់បម្រាមមិនឱ្យកីឡាករចុះហត្ថលេខា និងថតរូប Selfie ជាមួយអ្នកគាំទ្រឡើយ ៕ (កែសម្រួលដោយ ៖ ធីតា)
ចែករំលែកព័តមាននេះ