ខេត្តកំពង់ឆ្នាំង ៖ សាលាធម្មសភាដ៏ចំណាស់មួយខ្នងដែលមានអាយុកាលជាង២០០ឆ្នាំងមកហើយនោះ ពេលនេះកំពុងមានភាពទ្រុឌទ្រោមយ៉ាងខ្លាំង និងឈានទៅរកការបាត់បង់នូវមរតកដូនតាជំនាន់ដើម ប្រសិនគ្មានការជួសជុលណាមួយនោះទេ។
ខេត្តកំពង់ឆ្នាំង ៖ សាលាធម្មសភាដ៏ចំណាស់មួយខ្នងដែលមានអាយុកាលជាង២០០ឆ្នាំងមកហើយនោះ ពេលនេះកំពុងមានភាពទ្រុឌទ្រោមយ៉ាងខ្លាំង និងឈានទៅរកការបាត់បង់នូវមរតកដូនតាជំនាន់ដើម ប្រសិនគ្មានការជួសជុលណាមួយនោះទេ។
អាស្រ័យហេតុនេះព្រះគ្រូចៅអធិការ លោកតាអាចារ្យ និងគណៈកម្មការវត្ត ព្រមទាំងពុទ្ធបរិស័ទចំណុះជើងវត្តបានអំពាវនាវយ៉ាងទទូចដល់មន្ទីរ ក្រសួងពាក់ព័ន្ធ ពិសេសក្រសួងវប្បធម៌សូមជួយរកជំនួយ ឬដៃគូមកស្រោចស្រង់សាលាធម្មសភាមួយខ្នងនេះផង ។
សាលាធម្មសភានេះ ស្ថិតក្នុងវត្តពោធិរុក្ខារាម ហៅវត្តកំពង់ត្រឡាចលើ មានទីតាំងស្ថិក្នុងភូមិកំពង់ត្រឡាចលើ ឃុំកំពង់ត្រឡាច ស្រុកកំពង់ត្រឡាច ខេត្តកំពង់ឆ្នាំង ។
ព្រះគ្រូចៅអធិការវត្តខាងលើព្រះនាម តុដ្ថធម្មោ ម៉ែន តុត បានមានសង្ឃដិកាថា សាលាធម្មសភានេះមានអាយុច្រើនណាស់ហើយ គឺមុនការកសាងព្រះវិហារដែលមានគំនូរល្អវិចិត្រមានតម្លៃមិនអាចកាត់ថ្លៃបាននេះចំនួន៧ឆ្នាំ បើគិតពីការកសាងព្រះវិហារ ដែលពេលនេះមានអាយុ២២៧ឆ្នាំ បូកនិង៧ឆ្នាំទៀត ឃើញថា សាលាធម្មសភានេះមានអាយុ២៣៤ឆ្នាំឯណោះ ។
សព្វថ្ងៃនេះសាលាមួយខ្នងនេះបានបាក់ទ្រុឌទ្រោមខ្លាំងណាស់ ព្រះអង្គធ្លាប់បានអំពាវនាវឱ្យមានការជួសជុលដែររយៈកាលកន្លងមក ប៉ុន្តែពុំទាន់ឃើញមានមន្ត្រីពាក់ព័ន្ធណាចុះមកសិក្សា ឬជួសជុលឡើយ ។
លោកតា ប៉ាល់ សារឿង ប្រធានគណៈកម្មការវត្ត និងលោកតា ស៊ិន សារី ជាអាចារ្យវត្តខាងលើនេះបានមានប្រសាសន៍ថា សាលាធម្មសភានេះ កាលពីដើមឡើយជាកន្លែងជួបជុំពុទ្ធបរិស័ទ ដើម្បីសូត្រធម៌រៀងរាល់ថ្ងៃសីល ដែលស្រដៀងគ្នានឹងសាលាបុណ្យដែរ លុះតំណរក្រោយមកទីតាំងនេះក៏បានក្លាយជាវត្តដែលមានព្រះវិហារ និងកុដិ ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ