តាមប្រភពព័ត៌មាន Bangkok Post បានឱ្យដឹងថា មន្ត្រីសហរដ្ឋអាមេរិកកាលពីថ្ងៃពុធបានបង្កើនការព្រមានអំពីហានិភ័យសន្តិសុខជាតិដែលអាចកើតមានពីការកើនឡើងការប្រើប្រាស់កម្មវិធី TikTok ដែលជាកម្មសិទ្ធរបស់ប្រទេសចិន នៅពេលដែលសមាជិកសភាម្នាក់បានបង្ហាញច្បាប់ ដើម្បីហាមឃាត់កម្មវិធីនេះពីឧបករណ៍ប្រើប្រាស់របស់រដ្ឋាភិបាល ។…
តាមប្រភពព័ត៌មាន Bangkok Post បានឱ្យដឹងថា មន្ត្រីសហរដ្ឋអាមេរិកកាលពីថ្ងៃពុធបានបង្កើនការព្រមានអំពីហានិភ័យសន្តិសុខជាតិដែលអាចកើតមានពីការកើនឡើងការប្រើប្រាស់កម្មវិធី TikTok ដែលជាកម្មសិទ្ធរបស់ប្រទេសចិន នៅពេលដែលសមាជិកសភាម្នាក់បានបង្ហាញច្បាប់ ដើម្បីហាមឃាត់កម្មវិធីនេះពីឧបករណ៍ប្រើប្រាស់របស់រដ្ឋាភិបាល ។
នៅក្នុងសវនាការព្រឹទ្ធសភាមន្ត្រីមកពី FBI នាយកដ្ឋានយុត្តិធម៌ និងសន្តិសុខជាតិបាននិយាយថា កម្មវិធីចែករំលែកវីដេអូ TikTok អាចក្លាយជាឧបករណ៍សម្រាប់ស៊ើបការណ៍សម្ងាត់របស់ចិន ។ សមាជិកព្រឹទ្ធសភាលោក Josh Hawley បាននិយាយថា គាត់កំពុងធ្វើច្បាប់ ដើម្បីហាមឃាត់ TikTok ពីគ្រប់ឧបករណ៍របស់រដ្ឋាភិបាលអាមេរិកដោយហៅវាថា ជាហានិភ័យសន្តិសុខដ៏សំខាន់សម្រាប់ប្រជាជនអាមេរិក ។
TikTok ដែលទទួលបានការពេញនិយមជាពិសេសពីយុវវ័យ ត្រូវបានគេជឿជាក់ថា ជាកម្មវិធីដែលទាញយកច្រើនបំផុតនៅទូទាំងពិភពលោក កាលពីឆ្នាំមុន ប៉ុន្តែមន្ត្រីអាមេរិកបានបង្ហាញការព្រួយបារម្ភចំពោះការភ្ជាប់ទំនាក់ទំនងជាមួយរដ្ឋាភិបាលនៅទីក្រុងប៉េកាំង ។
ខណៈពេលដែលចំណុចទិន្នន័យផ្សេងៗដែល TikTok ប្រមូលបានហាក់ដូចជាមិនមានភាពរសើបនោះ គេបាននិយាយថាព័ត៌មានអាចត្រូវបានប្រមូល និង ត្រូវបានប្រើប្រាស់សម្រាប់គោលបំណងជាច្រើន៕ កែសម្រួលដោយ ៖ សុឃាក់
ចែករំលែកព័តមាននេះ