៣វិធី រកលុយបន្ថែមតាមប្រព័ន្ធសង្គម Instagram
ប្រព័ន្ធសង្គម Instagram ជាវេទិកាដ៏មានប្រជាប្រិយភាពមួយ ជាពិសេសក្នុងចំណោមយុវវ័យ និងអាជី វករ ។ ១ភាគ៣ នៃ Instagram…
ប្រព័ន្ធសង្គម Instagram ជាវេទិកាដ៏មានប្រជាប្រិយភាពមួយ ជាពិសេសក្នុងចំណោមយុវវ័យ និងអាជី វករ ។ ១ភាគ៣ នៃ Instagram…
ប្រព័ន្ធសង្គម Instagram ជាវេទិកាដ៏មានប្រជាប្រិយភាពមួយ ជាពិសេសក្នុងចំណោមយុវវ័យ និងអាជី វករ ។ ១ភាគ៣ នៃ Instagram Stories ទាំងអស់ គឺជារបស់អ្នកប្រើប្រាស់គណនីអាជីវករ ហើយ ២០% នៃការចែករំលែកទាំងនោះទទួលបានសារពីអតិថិជន ។
Direct Message ជាផ្នែកមួយនៃ Instagram ដែលអនុញ្ញាតឲ្យមនុស្សធ្វើការឆ្លើយតបគ្នាទៅវិញទៅមកជាលក្ខណៈសារអក្សរ និងសំឡេងជាដើម ។ លើសពីនេះ ទៅទៀត វាជាឱកាសរកលុយមួយដ៏ល្អប្រសិនបើអាជីវករចេះប្រើប្រាស់វា ។ ខាងក្រោម គឺជាយុទ្ធសាស្ត្រមួយដែលអាជីវករអាចប្រើបានដើម្បីរកលុយបានកាន់តែច្រើនតាមរយៈ Direct Message លើ Instagram៖
១-ផ្តល់សេវាកម្មដែលមានលក្ខណៈផ្ទាល់ខ្លួន
ការ Copy និង Paste សារដដែលៗ និងផ្ញើទៅឲ្យអតិថិជនគ្រប់គ្នាវាមិនមានប្រសិទិ្ធភាពទៀតឡើយ ។ ផ្ទុយមកវិញ អ្នកគួរតែចំណាយពេលវេលាមួយចំនួនក្នុងការតាមដានអតិថិជនដែលស្មោះត្រង់នឹងអាជីវកម្មរបស់អ្នក ។ បន្ទាប់មកព្យាយាមរកមើលថាតើមានអ្វីដែលអ្នកអាចជួយអតិថិជនម្នាក់នោះបាន រួចផ្ញើសារដែលមានលក្ខណៈផ្ទាល់ខ្លួនដោយមិនគិតថ្លៃ ។ ពេលដែលអ្នកព្យាយាមជួយមនុស្សម្នាក់ឲ្យអស់ពីចិត្តហើយ ពួកគេអាចនឹងមានភាគរយកច្រើនក្នុងការចង់ជួយអ្នកវិញនៅថ្ងៃអនាគត ។ កត្តាសំខាន់ គឺអ្នកត្រូវគិតគូរពីអ្វីដែលអ្នកត្រូវនិយាយឲ្យបានច្បាស់ ។ អ្នកអាចសួរជាសំណួរដែលទទួលបានចម្លើយខ្លីៗដូចជាបាទឬចាស ហើយអ្នកត្រូវតែរក្សាសារឲ្យខ្លីជានិច្ច ។
២-ប្រមូលផ្តុំឯកសារ
Instagram អនុញ្ញាតឲ្យអតិថិជនចាកចេញពីសារជាមួយអ្នកទៅកាន់គណនីរបស់អ្នកដើម្បីមើលផលិតផលបានយ៉ាងងាយ ។ អ្នកអាចប្រើប្រាស់ Story Highlight លើគណនីរបស់អ្នកដើម្បីបង្ហាញពីផលិតផលពេញនិយម ឬផលិតផលដែលកំពុងតែមានការបញ្ចុះតម្លៃជាដើម ។ ប្រសិនបើអ្នកពូកែនិយាយ អ្នកអាចថតជាវីឌីអូខ្លីៗដើម្បីនិយាយពីផលិតផលរបស់ខ្លួន ឬបង្ហាញពីមតិយោបល់ពីអតិថិជនរបស់អ្នកលើផលិតផលអ្នកផងដែរ ។
៣-រក្សាស្បែកមុខឲ្យក្រាស
អ្នកចៀសមិនផុតពីការទទួលបានការបដិសេធពីអតិថិជនមួយចំនួនទេ តែអ្នកមិនត្រូវអនុញ្ញាតឲ្យខ្លួនឯងបាក់ទឹកចិត្តដែរ ។ លើសពីនេះទៅទៀត ចូរចងចាំថា មិនថាអាជីវកម្មរបស់អ្នកលក់ផលិតផល ឬសេវាកម្មអ្វីទេ ប្រសិនបើអ្នកមានសមត្ថភាពក្នុងការលក់ខ្ពស់នោះប្រភពចំណូលរបស់អ្នកក៏នឹងបន្តនាំចូលថវិកាឲ្យអ្នកមិនឈប់ឈរដែរ ៕
ចែករំលែកព័តមាននេះ