អានសៀវភៅ Rich Dad, Poor Dad អាចផ្លាស់ប្តូរអ្នកបាន !
មនុស្សដែលចាប់អារម្មណ៍ និងការរកលុយ ឬធ្វើជាម្ចាស់អាជីវកម្មក្នុងថ្ងៃណាមួយប្រហែលជាធ្លាប់ឮសៀវភៅ Rich Dad, Poor Dad ឬឪពុកអ្នកមាន និងឪពុកអ្នកក្រហើយ ។…
មនុស្សដែលចាប់អារម្មណ៍ និងការរកលុយ ឬធ្វើជាម្ចាស់អាជីវកម្មក្នុងថ្ងៃណាមួយប្រហែលជាធ្លាប់ឮសៀវភៅ Rich Dad, Poor Dad ឬឪពុកអ្នកមាន និងឪពុកអ្នកក្រហើយ ។…
មនុស្សដែលចាប់អារម្មណ៍ និងការរកលុយ ឬធ្វើជាម្ចាស់អាជីវកម្មក្នុងថ្ងៃណាមួយប្រហែលជាធ្លាប់ឮសៀវភៅ Rich Dad, Poor Dad ឬឪពុកអ្នកមាន និងឪពុកអ្នកក្រហើយ ។ មេរៀនសំខាន់នៃសៀវភៅនេះ គឺបង្ហាញមនុស្សពីភាពខុសគ្នាធំៗរវាងទស្សនៈរបស់អ្នកមាន និងអ្នកក្រទៅលើលុយ ។ មនុស្សជាច្រើនដែលបានប្រើប្រាស់យុទ្ធសាស្ត្រក្នុងសៀវភៅខាងលើ បានរកឃើញភាពជោគជ័យ ហើយខាងក្រោមនេះ គឺជាមេរៀនមួយចំនួនដែលអាចផ្លាស់ប្តូរអ្នកបាន ៖
១. អ្នកមានឲ្យលុយធ្វើការឲ្យពួកគេ ៖
បើអ្នកទៅនិយាយជាមួយមនុស្សពីវិធីក្នុងការរកលុយ មនុស្សជាច្រើនប្រហែលជាប្រាប់អ្នកឲ្យទៅរកការងារ ។ វាមិនមែនជាការគិតដែលខុសទេ ជាពិសេសនៅពេលដែលអ្នកនៅក្មេង និងពេលដែលអ្នកមិនមានជំនាញ ឬទ្រព្យអ្វីដែលអ្នកអាចលក់ ដើម្បីបានលុយមកវិញ ។
ប៉ុន្តែអ្នកមានមិននៅធ្វើការយូរពេកទេ ព្រោះពួកគេដឹងថា ដើម្បីក្លាយជាអ្នកមាន ពួកគេត្រូវក្លាយជាមនុស្សដែលឲ្យការងារទៅមនុស្ស ដើម្បីធ្វើការឲ្យពួកគេ ។ ពួកគេដឹងពីសារសំខាន់នៃការធ្វើជាម្ចាស់អាជីវកម្មមុនមនុស្សទូទៅ ហើយការគ្រប់គ្រងអាជីវកម្ម គឺទាក់ទិននឹងការរៀនសូត្រពីការប្រើប្រាស់ធនធាន និងមនុស្ស ដើម្បីរកចំណូលបានច្រើនជាងអង្គុយធ្វើការជារៀងរាល់ថ្ងៃ ។
២. លុយដែលអ្នកទុកសំខាន់ជាងលុយដែលអ្នករកបាន ៖
ឧបសគ្គធំមួយរបស់មនុស្ស គឺការសន្សំលុយ ។ ការសន្សំលុយអាចកើតមានឡើងតែក្នុងករណីដែលអ្នករកចំណូលបានច្រើនគ្រប់គ្រាន់ក្នុងការរស់នៅប្រចាំថ្ងៃប៉ុណ្ណោះ ។ តែពេលដែលអ្នកមានប្រាក់សន្សំហើយ អ្នកអាចចាប់ផ្តើមយលវាទៅវិនិយោគដែលបង្កើតជាប្រភពចំណូលមួយទៀតឲ្យមកអ្នក ។
៣. ការធ្វើជាអ្នកមានអាចតម្រូវឲ្យមនុស្សធ្វើការផ្លាស់ប្តូរច្រើន ៖
មេរៀននេះ មិនមែនប្រាប់អ្នកថា អ្នកគ្មានសង្ឃឹមអាចក្លាយជាអ្នកមានឡើយ ប្រសិនបើអ្នកគ្រប់គ្រងលុយដូចមនុស្សទូទៅ ។ ផ្ទុយមកវិញ វាប្រាប់ពីវិធីដែលជួយឲ្យមនុស្សក្លាយជាអ្នកមាន ហើយក្នុងចំណោមនោះ គឺការផ្លាស់ប្តូរខ្លួនឯង ។
អ្នកមានមានគុណសម្បត្តិដែលជួយឲ្យពួកគេក្លាយជាអ្នកមានហើយ ដូច្នេះប្រសិនបើអ្នកចង់ដូចអ្នកដទៃ អ្នកអាចព្យាយាមធ្វើឲ្យបានដូចពួកគេបាន ៕ ដកស្រង់ចេញពីប្រភពវេបសាយ ៖ businessinsider (កែសម្រួលដោយ ៖ បុប្ផា)
ចែករំលែកព័តមាននេះ