រាជធានីភ្នំពេញ ៖ តារាប្រុស ស្រីជាច្រើនដួង បានមកជួបជុំគ្នាបង្ហាញវត្តមានក្នុងកម្មវិធី«ទិវាវប្បធម៌ជាតិលើកទី២២ និងពិធីសំណេះសំណាល ពិសារអាហារសាមគ្គី រវាងរដ្ឋាភិបាលជាមួយសិល្បករ ឆ្នាំ២០២០» ។…
រាជធានីភ្នំពេញ ៖ តារាប្រុស ស្រីជាច្រើនដួង បានមកជួបជុំគ្នាបង្ហាញវត្តមានក្នុងកម្មវិធី«ទិវាវប្បធម៌ជាតិលើកទី២២ និងពិធីសំណេះសំណាល ពិសារអាហារសាមគ្គី រវាងរដ្ឋាភិបាលជាមួយសិល្បករ ឆ្នាំ២០២០» ។ នាឱកាសនោះមានការចូលរួមយ៉ាងច្រើនពីសិល្បករ សិល្បការិនីគ្រប់ជំនាន់និងទម្រង់។ ជាមួយគ្នានោះដែរក៏ឃើញសមាជិកគ្រួសារតារាកម្ពុជាមួយចំនួនបង្ហាញវត្តមានផងដែរ។
ពិធីនោះ មានវត្តមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញជាអធិបតីដ៏ខ្ពង់ខ្ពស់នៅក្នុងពិធីអបអរសាទរទិវា «វប្បធម៌ជាតិ ៣មីនា» លើកទី២២ និងជួបជុំសំណេះសំណាលពិសាបាយសាមគ្គីជាមួយសិល្បករ សិល្បការិនី រួមជាមួយពិធីបិទមហោស្រពសិល្បៈយុវជនទូទាំងប្រទេសផងដែរ ដែលពិធីនេះប្រារព្ធឡើងនៅមជ្ឈមណ្ឌលកោះពេជ្រ រាជធានីភ្នំពេញ។
ឃើញមានការបង្ហាញនូវឈុតឆាករបាំផ្សេងងៗដែលបានសម្តែងដោយក្រុមសិស្សនិស្សិត និងសិល្បករអាជីព ។ ជាពិសេសក៏ឃើញមានវត្តមានសិល្បករល្បីៗ បង្ហាញខ្លួន និងខ្លះតម្រូវអោយឡើងច្រៀងជាកិត្តិយសផងដែរ។
ជារឿងៗគ្រួសារតារាកម្ពុជាតែងតែបង្ហាញវត្តមានក្នុងសកម្មភាពសង្គមជាបន្តបន្ទាប់ និងការងារមនុស្សធម៌។ ចំណែកការចូលរួមកម្មវិធីវប្បធម៌ជាតិលើកនេះ ជាការសហការរួមគ្នា បង្កើតចំណងសាមគ្គី ក៏ដូចជាការ ពង្រីកស្នាដៃនៅក្នុងសង្គមសិល្បៈ លើកស្ទួយវប្បធម៌ខ្មែរ បន្តទៀត។ លើសពីនេះ បានសម្តែងការកោតសរសើរ ដល់ក្រសួងវប្បធម៌ដែល បានរំលេចកម្មវិធីនេះឡើង ជារៀងរាល់ឆ្នាំ ។ ព្រមទាំងបើកការប្រកួតប្រជែងយកស្នាដៃ សិល្បៈទម្រង់ថ្មីៗគួរអោយចាប់អារម្មណ៍ ៕ (កែសម្រួលដោយ ៖ ធីតា)
ចែករំលែកព័តមាននេះ