កីឡាករ Cristiano Ronaldo បានបង្ហើបឱ្យដឹងថា ម្តាយរបស់គេកំពុងស្ថិតក្នុងស្ថានភាពល្អប្រសើរ បន្ទាប់ពីលោកស្រីត្រូវបានគេបញ្ជូនទៅមន្ទីរពេទ្យភ្លាមៗ ដោយសារដាច់សរសៃឈាមខួរក្បាល។ យោងតាមប្រភពពី Dailymail បានឱ្យដឹងថា…
កីឡាករ Cristiano Ronaldo បានបង្ហើបឱ្យដឹងថា ម្តាយរបស់គេកំពុងស្ថិតក្នុងស្ថានភាពល្អប្រសើរ បន្ទាប់ពីលោកស្រីត្រូវបានគេបញ្ជូនទៅមន្ទីរពេទ្យភ្លាមៗ ដោយសារដាច់សរសៃឈាមខួរក្បាល។
យោងតាមប្រភពពី Dailymail បានឱ្យដឹងថា C.Ronaldo បានថ្លែងអំណរគុណចំពោះការជូនពរដល់ម្តាយរបស់គេ «សូមអរគុណចំពោះរាល់សារដែលជូនពរដល់ម្តាយរបស់ខ្ញុំ។ បច្ចុប្បន្ន គាត់មានល្អប្រសើរ ហើយកំពុងសម្រាកព្យាបាលនៅមន្ទីរពេទ្យ»។
បុរសវ័យ៣៥ឆ្នាំរូបនេះបានបន្តថា «ខ្ញុំ និងក្រុមគ្រួសារសូមថ្លែងអំណរគុណដល់ក្រុមគ្រូពេទ្យ ដែលបានមើលថែរក្សាម្តាយខ្ញុំ ហើយសម្រួលអោយយើងទាំងអស់គ្នាទទួលបាននូវភាពឯកជននៅពេលនេះ»។
ខ្សែប្រយុទ្ធជម្រើសជាតិព័រទុយហ្គាល់ និងក្រុម Juventus រូបនេះរួមទាំងមិត្តស្រី និងកូនប្រុសច្បង បន្ទាប់ពីចុះពីយន្តហោះឯកជនរបស់ខ្លួនពីប្រទេសអ៊ីតាលី ដល់ស្រុកកំណើតភ្លាម រូបគេបានប្រញាប់ប្រញាល់ទៅកាន់មន្ទីរពេទ្យ Nelio Mendonca ក្នុងរដ្ឋធានី Funchal ដើម្បីទៅជួបម្តាយគឺលោកស្រី Dolores Aveiro ដែលបច្ចុប្បន្នមានវ័យ៦៥ឆ្នាំ ។ ប្រភព៖ Dailymail
ចែករំលែកព័តមាននេះ