ប្រធានទីភ្នាក់ងារការពារជនស៊ីវិលលោក Angelo Borrelli បានប្រាប់ក្នុងសន្និសីទកាសែត នៅទីក្រុង
រ៉ូមថា ចំនួនប្រជាជននៅប្រទេសអ៊ីតាលី ដែលបានឆ្លងវីរុស Covid-19 គឺកើនឡើងដល់ចំនួន១,៦៩៤នាក់ កាលពីថ្ងៃអាទិត្យ ខណៈចំនួនអ្នកបាត់បង់ជីវិតដោយសារវីរុសនេះកើនឡើងដល់៣៤នាក់។
ចំនួនសរុបកាលពីថ្ងៃអាទិត្យ ដែលរាប់បញ្ចូលទាំងអ្នកដែលបានជាសះស្បើយ និងអ្នកដែលបានបាត់ បង់ជីវិត គឺកើនឡើង៥០%លើករណី១.១២៨ករណី ដែលបានកត់ត្រាកាលពីថ្ងៃមុន ។ លោក Borrelli បាននិយាយថា ៨៣នាក់នៃអ្នកដែលបានឆ្លងមកទល់ពេលនេះ បានជាសះស្បើយហើយ ។
ជាមួយគ្នានេះ រដ្ឋមន្ត្រីក្រសួងសេដ្ឋកិច្ចលោក Roberto Gualtieri បាននិយាយនៅក្នុងបទសម្ភាសន៍ជាមួយកាសែត La Repubblica ដែលបានចេញផ្សាយកាលពីថ្ងៃអាទិត្យថា រដ្ឋាភិបាលប្រទេសអ៊ីតាលីកំពុងរៀបចំកញ្ចប់ជំនួយចំនួន៣,៦ពាន់លានផោន (៣,៩ ពាន់លានដុល្លារ) ដើម្បីជួយជំរុញសេដ្ឋកិច្ចនៅពេលមានការរីករាលដាលនៃវីរុសនេះ។
លោក Gualtieri បាននិយាយថា គណៈរដ្ឋមន្ត្រីរបស់ប្រទេសអ៊ីតាលី មានបំណងអនុម័តវិធានការនេះនៅចុងសប្តាហ៍ក្រោយ។ លោកមានទំនុកចិត្តថា សហគមន៍អ៊ឺរ៉ុប នឹងមិនជំទាស់លើសំណើនេះទេ ហើយបាននិយាយថា ការយល់ព្រមពីសភាក៏នឹងត្រូវបានពិភាក្សាផងដែរ។ ដកស្រង់ចេញពី៖ scmp.com
ចែករំលែកព័តមាននេះ