ខេត្តកំពង់ធំ ៖ បើតាមសេចក្តីរាយការណ៍បឋមបានឱ្យដឹងថា កម្លាំងអធិការនគរបាលស្រុកតាំងគោក បានចុះបង្ក្រាបសង្វៀនបញ្ជល់មាន់មួយកន្លែង ហើយរឹបអូសបានតែវត្ថុតាង ចំណែកមនុស្សបានរត់បាតជើងសរព្រាតអស់ពីកន្លែងជល់មាន់ ហេតុការណ៍នេះបង្កឱ្យមានការភ្ញាក់ផ្អើល កាលពីម៉ោង១និង៣៥នាទីរសៀល ថ្ងៃទី២៩…
ខេត្តកំពង់ធំ ៖ បើតាមសេចក្តីរាយការណ៍បឋមបានឱ្យដឹងថា កម្លាំងអធិការនគរបាលស្រុកតាំងគោក បានចុះបង្ក្រាបសង្វៀនបញ្ជល់មាន់មួយកន្លែង ហើយរឹបអូសបានតែវត្ថុតាង ចំណែកមនុស្សបានរត់បាតជើងសរព្រាតអស់ពីកន្លែងជល់មាន់ ហេតុការណ៍នេះបង្កឱ្យមានការភ្ញាក់ផ្អើល កាលពីម៉ោង១និង៣៥នាទីរសៀល ថ្ងៃទី២៩ ខែកុម្ភៈ ឆ្នាំ២០២០ នៅចំណុចចំការស្វាយចាន់ទី វាលអណ្តូងដា ស្ថិតក្នុងភូមិត្រពាំងខ្លង ឃុំច្រនាង ស្រុកតាំងគោក។
បើតាមលោកវរសេនីយ៍ទោ សន តាល់ អធិការនគរបាលស្រុកតាំងគោកប្រាប់ថា លោកបានដឹកនាំកម្លាំងចំនួន៨នាក់ ចុះបង្ក្រាបការលេងល្បែងស៊ីសងខុសច្បាប់ជល់មាន់ និងអាប៉ោងមួយកន្លែងនៅចំណុចចំការស្វាយចាន់ទី វាលអណ្តូងដា ស្ថិតភូមិត្រពាំងខ្លង កាលពីរសៀលថ្ងៃទី២៩ កុម្ភៈ ។
លោកអធិការនគរបាលស្រុកបន្តថា លុះពេលសមត្ថកិច្ចទៅដល់កន្លែងជល់មាន់ មនុស្សបាននាំគ្នារត់គេចខ្លួនអស់ ដោយបន្សល់ទុកនូវត្ថុតាងមួយចំនួន រួមមាន ៖ ម៉ូតូសរុប២៣គ្រឿងក្នុងនោះមានម៉ូតូម៉ាក C១០០ការេ ចំនួន១២គ្រឿង, ម៉ូតូម៉ាកវេវចំនួន១គ្រឿង, ម៉ូតូម៉ាកស្មាក់រេវ៉ូចំនួន៣គ្រឿង, ម៉ូតូម៉ាកស្កុបពីចំនួន២គ្រឿង, ម៉ូតូម៉ាកសេដេចំនួន១គ្រឿង និងម៉ូតូម៉ាក C១២៥ចំនួ០៤គ្រឿង រួមទាំងមាន់ជល់ចំនួន៩ក្បាល (ងាប់អស់៧ក្បាល) ជញ្ជីងថ្លឹងចំនួន១ ហាន់តោចំនួន០១ (ចានអាប៉ោង១) កញ្ចក់ឃាំងមាន់ចំនួន១។
ក្រោយពេលកើតហេតុ កម្លាំងនគរបាលបាននាំយកវត្ថុតាងខាងលើមករក្សាទុកនៅអធិការដ្ឋាននគបាលស្រុកតាំងគោក ដើម្បីបន្តនីតិវិធី។ (កែសម្រួលដោយ ៖ បុប្ផា)
ចែករំលែកព័តមាននេះ