រាជធានីភ្នំពេញ ៖ ដើម្បីថ្លែងអំណរគុណដល់អតិថិជនដែលគាំទ្រផ្សារទំនើបវឌ្ឍនៈកាពីតាល់ នាពេលកន្លងមក ក្រុមហ៊ុនគ្រប់គ្រងផ្សារទំនើបមួយនេះបានរៀបចំកម្មវិធីផ្ដល់មហាសំណាងដល់អតិថិជនរបស់ខ្លួន ដោយបង្កើតកម្មវិធីប្រគំតន្ត្រីនិងចាប់រង្វាន់ជូនអតិថិជនចំនួន ៣ រង្វាន់ គិតជាទឹកប្រាក់មានតម្លៃរហូតដល់១០ម៉ឺនដុល្លារអាមេរិក ។…
រាជធានីភ្នំពេញ ៖ ដើម្បីថ្លែងអំណរគុណដល់អតិថិជនដែលគាំទ្រផ្សារទំនើបវឌ្ឍនៈកាពីតាល់ នាពេលកន្លងមក ក្រុមហ៊ុនគ្រប់គ្រងផ្សារទំនើបមួយនេះបានរៀបចំកម្មវិធីផ្ដល់មហាសំណាងដល់អតិថិជនរបស់ខ្លួន ដោយបង្កើតកម្មវិធីប្រគំតន្ត្រីនិងចាប់រង្វាន់ជូនអតិថិជនចំនួន ៣ រង្វាន់ គិតជាទឹកប្រាក់មានតម្លៃរហូតដល់១០ម៉ឺនដុល្លារអាមេរិក ។
ព្រឹត្តិការណ៍ដ៏អស្ចារ្យនេះ បានធ្វើឡើងកាលពីរសៀលថ្ងៃទី២៩ កុម្ភៈ ២០២០ នៅផ្សារទំនើបវឌ្ឍនៈកាពីតាល់ផ្ទាល់តែម្ដង ដោយមានការចូលរួមដោយតារាចំរៀងល្បីៗរួមមាន កញ្ញា មាស សុខសោភា កញ្ញា ចិត្ត កញ្ចនា និងលោក ស៊ូ លីផេង ។
លោក ឈន់ សម្បត្តិ ប្រធានគ្រប់គ្រងផ្នែកអប់រំ និង អភិវឌ្ឍន៍នៃក្រុមហ៊ុន វឌ្ឍនៈ អ៊ិនវេសមេន បានថ្លែងនៅក្នុងកម្មវិធីថា នេះមិនមែនជាលើកទីមួយទេ ដែលវឌ្ឍនៈកាពីតាល់បានផ្ដល់សំណាងជូនដល់អតិថិជនរបស់ខ្លួន ។ លោកថា អតិថិជនតែងតែជាអាទិភាពទីមួយរបស់ពួកយើងជានិច្ច ដូច្នេះជារឿយៗផ្សារទំនើប វឌ្ឍនៈកាពីតាល់ តែងតែខិតខំស្វែងរកនូវអ្វីដែលថ្មី និងអស្ចារ្យផ្ដល់ជូនអតិថិជនវិញ ជាក់ស្ដែងដើមឆ្នាំនេះយើងផ្ដល់ជូនរង្វាន់ជាទឹកប្រាក់សរុបរហូតដល់ ១០ម៉ឺនដុល្លារឯណោះ ។
លោកបន្តថា បច្ចុប្បន្ននេះ នៅក្នុងផ្សារទំនើប វឌ្ឍនៈ កាពីតាល់ មានទំនិញដែលមានម៉ាកយីហោល្បីជាច្រើន ឬហៅថាទំនិញប្រ៊េនៗ ដូចជាម៉ាក BRIONI , BOTTEGA VENETA, BANG & OLUFSEN, CHRISTOFLE, CANALI, CLARINS, FRETTE, SALVATORE FERRAGAMO, HUGO BOSS, JIMMY CHOO, L’Occitane en Provence, POLTRONA FRAU, ROBERTO CAVALLI, SANTONI, STEFANO RICCI, TWG និង កាហ្វេ Arabica ដែលមានប្រភពមកពីប្រទេសជប៉ុនជាដើម ។
លោកបន្ថែមថា ផ្សារទំនើប វឌ្ឍនៈកាពីតាល់ នឹងរកនូវអ្វីដែលថ្មី ប្លែក ដើម្បីផ្ដល់ជូនអតិថិជនរបស់ខ្លួនដែលតែងតែគាំទ្រទំនិញនៅក្នុងផ្សារទំនើបរបស់ខ្លួន ។ សម្រាប់រង្វាន់ធំដែលអតិថិជនទទួលបានទាំង ៣ រង្វាន់មានដូចជា រង្វាន់ទី១ គឺ ទូរទស្សន៍ និងឧបករណ៍បំពងសម្លេង ឆ្លាតវៃ ម៉ាក BANG & OLUFSEN (B&O) រង្វាន់ទី២ សាឡុង និងតុលម្លដ៏ស្រស់ស្អាតម៉ាក FENDI CASA ឯរង្វាន់ទី៣ គឺជាការបន្ថែមបញ្ជូលគ្នារវាង គ្រែគេងម៉ាក Poltrona Frau និងពូកម៉ាក FRETTE ដែលរង្វាន់ទាំងនេះ សុទ្ធតែជាផលិតផលដែលមានគុណភាពខ្ពស់ស្ដង់ដាពិភពលោក និងមានតម្លៃរាប់ម៉ឺនដុល្លារអាមេរិក ។
គួររំលឹកផងដែរថា ផ្សារទំនើបវឌ្ឍនៈចាប់ដំណើរការតាំងពីឆ្នាំ២០១៣ ដោយផ្ដោតលើផលិតផលដែលជាម៉ាកល្បីៗលំដាប់ពិភពលោកជាសំខាន់ដែលមានដូចជា វឌ្ឍនៈកាពីតាល់ ក៏នឹងបន្តនាំចូលនូវផលិតផលម៉ាកល្បីៗពីជុំវិញពិភពលោកមកកាន់កម្ពុជាជាបន្តបន្ទាប់ទៀតនៅក្នុងពេលឆាប់ៗនេះ និងអនាគត ដើម្បីបំពេញតម្រូវការរបស់អតិថិជន និងទីផ្សារកម្ពុជាខាងផ្នែកផលិតផល និងសេវាកម្មប្រណិតៗលំដាប់ថ្នាក់ពិភពលោក ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ