រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា នៅទីបំផុត ការប្រកួតជម្រុះកាលពីថ្ងៃទី២៩ ខែកុម្ភៈ ឆ្នាំ២០២០ បានក្លាយជាការប្រកួតចុងក្រោយហើយ ដែលគូប្រកួតក្នុងចំណោមអ្នកឈ្នះនៅវគ្គទី១ ចំនួន១៦នាក់…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា នៅទីបំផុត ការប្រកួតជម្រុះកាលពីថ្ងៃទី២៩ ខែកុម្ភៈ ឆ្នាំ២០២០ បានក្លាយជាការប្រកួតចុងក្រោយហើយ ដែលគូប្រកួតក្នុងចំណោមអ្នកឈ្នះនៅវគ្គទី១ ចំនួន១៦នាក់ យក៨នាក់ ដោយការប្រកួតនេះ ត្រូវបានបញ្ចប់ ដែលមានន័យថា សម្រាប់ការប្រកួតជម្រុះជ្រើសរើសជើងឯកប្រភេទទម្ងន់៦៣,៥ គីឡូក្រាម រដូវកាលទី៧ នាសង្វៀនប៉ុស្តិ៍លេខ៥ គឺបញ្ចប់ជម្រុះវគ្គទី២។
នៅក្នុងការប្រកួតនោះ អ្នកឈ្នះបានលេចឡើងនូវក្តីស្រមៃ ខណៈដែលអ្នកឈ្នះអ្នកជុំទី២ដែលឈានចូលក្នុងវគ្គ៨នាក់ សុទ្ធតែកើតចេញពីការហ្វឹកហាត់ច្បាស់លាស់។ សប្តាហ៍នេះ ជាសប្តាហ៍ចុងក្រោយ ក្នុងការស្វែងរកជើងខ្លាំងទៅជុំទី២ ដែលយកតែ៨នាក់។
ការប្រកួតនេះ កាន់តែបំផុសឱ្យឃើញបណ្តើរៗ ដើម្បីស្វែងយល់ថា តើអ្នកណាមានទេពកោសល្យជាងគេ ឆ្ពោះទៅជើងឯក? កម្មវិធីដែលបានធ្វើឡើងកាលពីថ្ងៃទី២៩ កុម្ភៈ ឆ្នាំ២០២០នេះ គឺជាការប្រដាល់កំពូលជើងឯក TV5 BOXING KNOCK OUT SERIES(K-Cement) ដោយកីឡាករ២រូប ក្នុងចំណោម៤រូប ដែលមកប្រកួតគ្នា គឺ២រូបទាក់ទាញអ្នកគាំទ្រខ្លាំង។
បង្គោលក្រហម អេលីត ភក្តី មកពីក្លិបប៉ែនកាក់គុនខ្មែរ នៃសមាគមកីឡាករ ប្រដាល់ក្រសួងមហាផ្ទៃ គឺជាអ្នកប៉ះជាមួយបង្គោលខៀវ ឡុង បេនលឿន មកពីក្លិបសាលវ័ន្តកីឡា។ នេះជាវគ្គជម្រុះជុំទី២ ដោយរើសយកកីឡាករ៨រូប ឡើងទៅវគ្គទី៣ ដើម្បីឱ្យឃើញថា អ្នកមានសមត្ថភាពពិតប្រាកដ។
ការប្រកួតមួយគូនេះ កីឡាករបង្គោលខៀវ ឡុង បេនលឿន គឺជាអ្នកដណ្ដើមបានជ័យជម្នះ តែមុនបានឡើងកៅអី៨នៅសប្ដាហ៍ចុងក្រោយនេះ ក៏ផ្សងគ្រោះថ្នាក់មិនតិចដែរ។ យ៉ាងណាមិញ គេមិនទាន់ដឹងថា កីឡាករវ័យក្មេងរូបនេះ មានសំណាងបន្តទៀត ឬយ៉ាងណាទេ? ដោយសារឱកាសក្លាយជាជើងឯក គឺមិនមែនងាយស្រួល។ (កែសម្រួលដោយ ៖ បុប្ផា)
ចែករំលែកព័តមាននេះ